திருத்துறைப்பூண்டி நகராட்சி குப்பை கிடங்கில் தீ
2022-05-18@ 15:24:06

திருத்துறைப்பூண்டி: திருத்துறைப்பூண்டி வேதை சாலையில் நகராட்சி குப்பை கிடங்கு உள்ளது. கடந்த 50 ஆண்டுகளுக்கும் மேலாக நகரில் உள்ள குப்பைகள் அனைத்தும் சேகரிக்கப்பட்டு இந்த குப்பை கிடங்கில் கொட்டப்பட்டு வருகிறது. இதன் அருகிலேயே குப்பை பிரித்து உரம் தயாரிக்கும் பணியும் அதன் அருகிலேயே எரிவாயு தகன மேடை ஒன்றும் இயங்கி வருகிறது. இந்த நிலையில் நேற்று காலை 11 மணியளவில் யாரோ மர்ம நபர்கள் நகராட்சி குப்பை கிடங்குக்கு தீ வைத்ததாக கூறப்படுகிறது.இதுகுறித்து திருத்துறைப்பூண்டி நகர்மன்றதலைவர் கவிதா பாண்டியன் தீயணைப்பு துறையினருக்கு தகவல் தெரிவித்தார். தகவலறிந்த திருத்துறைப்பூண்டி, முத்துப்பேட்டை, கோட்டூர் உள்ளிட்ட பகுதிகளிலிருந்து தீயணைப்பு வாகனங்கள் விரைந்து வந்து தீயணைக்கும் பணியில் ஈடுபட்டனர் மேலும் நகராட்சியில் உள்ள மூன்று தண்ணீர் டேங்கர் லாரி மூலமும் தண்ணீர் கொண்டுவரப்பட்டு தீயை அணைக்கும் பணி நடந்துவருகிறது.
எம்எல்ஏ மாரிமுத்து, தாசில்தார் அலெக்சான்டர், சுகாதார ஆய்வாளர் மாரிமுத்து ஆகியோர் சம்பவ இடத்தை பார்வையிட்டனர். காலை 11 மணியிலிருந்து குப்பைமேடு எறிந்து வருவதால் வேதை சாலை பகுதிகளில் ஒரே புகை மூட்டமாக உள்ளது என்பது குறிப்பிடத்தக்கது. தொடர்ந்து தீயணைக்கும் பணி நடைபெற்றது.திருத்துறைப்பூண்டி நகராட்சிக்குட்பட்ட சாமியப்பா நகர் பின்பகுதியில் உள்ள வயலில் நாணல் புற்கள் மண்டியிருந்த பகுதியில் நேற்று முன்தினம் மாலை 6 மணியளவில் திடீரென்று தீப்பற்றி எரிந்தது. இது குறித்து திருத்துறைப்பூண்டி தீயணைப்பு துறைக்கு அப்பகுதி பொதுமக்கள் தகவல் தெரிவித்தனர். தகவலறிந்த தீயணைப்புதுறை நிலைய அலுவலர் காளிதாஸ் தலைமையில் தீயணைப்பு துறையினர் விரைந்து சென்று இரண்டரை மணி நேரத்திற்கு மேலாக போராடி தீயை அணைத்தனர்.
மேலும் செய்திகள்
புதுச்சேரி வீராம்பட்டினம் செங்கழுநீரம்மன் கோயிலில் ஆடித் தேரோட்டம்
இன்டர்நெட் மூலம் தோழிகளை விலை பேசிய கல்லூரி மாணவி
ஓட்டேரியில் கலைஞர் நினைவு தின பொதுக்கூட்டம்; கொள்கை ரீதியாக பிரதமரை எதிர்க்கும் ஒரே தலைவர் மு.க.ஸ்டாலின் மட்டுமே: காங்கிரஸ் தலைவர் கே.எஸ்.அழகிரி பேச்சு
பிள்ளையார்பட்டியில் விநாயகர் சதுர்த்தி விழா 22ல் துவக்கம்: 31ம் தேதி தீர்த்தவாரி உற்சவம்
பழையாறு மீன்பிடி துறைமுகத்தில் 2 விசைப்படகுகள் கவிழ்ந்தது: 10 மீனவர்கள் தப்பினர்
ஓடும் ரயிலில் இருந்து இறங்கிய சென்னை போலீஸ்காரர் பலி
மத்தியதரைக் கடலில் குடியேறியவர்கள் பத்திரமாக மீட்பு..!!
ஆர்டிமிஸ் 1 திட்டத்துக்கான ஒத்திகையை தொடங்கியது நாசா
கடலுக்கு அடியில் அதிசய நகரம்: அழகிய ரோமன் நகரின் அற்புத காட்சி..!!
கலிபோர்னியாவை அச்சுறுத்தும் காட்டுத்தீ.. தீயை அணைக்க வீரர்கள் போராட்டம்!!
மெக்சிகோ சுரங்கத்தில் ஏற்பட்ட வெள்ளத்தால் சுரங்கத் தொழிலாளர்களை மீட்கும் முயற்சி தீவிரம்...