நெல்லை அருகே கல்குவாரியில் ராட்சத பாறை உருண்டு விழுந்த விபத்தில் உயிரிழந்தோர் எண்ணிக்கை 2 ஆக உயர்வு!!
2022-05-17@ 07:52:52

நெல்லை: நெல்லை அருகே கல்குவாரியில் ராட்சத பாறை உருண்டு விழுந்த விபத்தில் உயிரிழந்தோர் எண்ணிக்கை 2 ஆக உயர்ந்துள்ளது. நெல்லை, பாளையங்கோட்டை அருகே முன்னீர்பள்ளம் அடுத்த அடைமிதிப்பான்குளத்தில் உள்ள ஒரு கல்குவாரியில் கடந்த 14ம் தேதி நள்ளிரவில் சுமார் 350 அடி ஆழத்தில் வெடித்து உடைக்கப்பட்ட பாறைகளை ஹிட்டாச்சி இயந்திரம் மூலம் லாரிகளில் ஏற்றும் பணியில் 10க்கும் மேற்பட்ட தொழிலாளிகள் ஈடுபட்டனர். அப்போது எதிர்பாராத விதமாக ராட்சத பாறை ஒன்று உடைந்து கல்குவாரிக்குள் விழுந்தது. பாறை இடுக்குகளில் 6 பேர் சிக்கினர்.
இதில் 2 பேர் மீட்கப்பட்டு மருத்துவமனையில் சேர்க்கப்பட்டனர். 17 மணி நேர போராட்டத்திற்கு பின் மீட்கப்பட்ட டிரைவர் செல்வம், மருத்துவமனைக்கு கொண்டு சென்றபோது இறந்தார். இந்நிலையில் அரக்கோணத்திலிருந்து வந்த தேசிய பேரிடர் மீட்பு மேலாண்மை குழுவினர் 2 பிரிவாக பிரிந்து கல் குவாரியில் இறங்கி மீட்பு பணியை நேற்று காலை முதல் மேற்கொண்டனர்.அப்போது கல்குவாரியில் பாறை சரிந்து விழுந்த விபத்தில் சிக்கிய 4வது நபர் சடலமாக மீட்கப்பட்டார். 4வது நபராக மீட்கப்பட்ட லாரி கிளீனர் முருகன் நாங்குநேரி அருகே உள்ள ஆயர்குலத்தை சேர்ந்தவர்.கல்குவாரியில் பாறை சரிந்து ஏற்கனவே டிரைவர் செல்வம் இறந்த நிலையில், முருகன் , விஜய் உயிருடன் மீட்கப்பட்டனர். இதனிடையே குவாரி உரிமையாளர் செல்வராஜ், அவரது மகன் குமார், ஒப்பந்ததாரர் சங்கரநாராயணன் மற்றும் மேலாளர் செபஸ்டின் ஆகிய 4 பேர் மீது முன்னீர்பள்ளம் போலீசார் 3 பிரிவுகளில் வழக்குப்பதிவு செய்துள்ளனர். இதில் சங்கரநாராயணன் கைது செய்யப்பட்டுள்ளார்.
மேலும் செய்திகள்
12 அடி அகலம், 32 அடி நீள தேசிய கொடி உருவாக்கி மழலையர் பள்ளி குழந்தைகள் சாதனை
விடுதியில் பிளஸ் 2 மாணவன் தற்கொலை சிபிசிஐடி விசாரணைக்கு வழக்கு மாற்றம்: ஊத்தங்கரையில் போலீஸ் குவிப்பு
திருத்தணி அருகே வீடுகள் இடிப்பை கண்டித்து பொது மக்கள் மறியல்: வி.ஜி.ராஜேந்திரன் எம்எல்ஏ சமரசம்
உத்திரமேரூரில் ரூ.21 லட்சம் மதிப்பில் வருவாய் ஆய்வாளர் அலுவலகம்; சுந்தர் எம்எல்ஏ திறந்து வைத்தார்
அடிப்படை வசதிகளை செய்து தர கோரி அரசு பஸ்சை சிறைபிடித்து மக்கள் மறியல்; கும்மிடிப்பூண்டி அருகே பரபரப்பு
இலவச கால்நடை மருத்துவமுகாம்
குடியரசு துணைத் தலைவர் தேர்தல்: ஜனநாயக கடமையாற்றிய பிரதமர் நரேந்திர மோடி, காங். எம்.பி. ராகுல் காந்தி..!!
விலைவாசி உயர்வை கண்டித்து நாடு முழுவதும் காங்கிரஸ் போராட்டம்: ராகுல் காந்தி, பிரியங்கா காந்தி உள்ளிட்டோர் கைது..!!
இஸ்ரோவின் ராக்கெட்டுக்கு மென்பொருள் தயாரித்த அரசுப்பள்ளி மாணவிகளை நேரில் வாழ்த்திய அமைச்சர் அன்பில் மகேஷ்..!!
சீனாவின் எதிர்ப்பை மீறி தைவான் சென்ற அமெரிக்க சபாநாயகர்..!!
ஐஸ்லாந்து நாட்டில் எரிமலை வெடித்து சிதறி நெருப்பு ஆறு பாய்கிறது!!