SUN குழுமத்திலிருந்து வெளிவரும் காலை நாளிதழ்

பொறுப்பில் இருந்து விலகி நிற்கும் மோடி: ராகுல் குற்றச்சாட்டு

2022-04-29@ 00:47:55

புதுடெல்லி:  பிரதமர் மோடி தனது பொறுப்பில் இருந்து விலகி, மாநிலங்கள் மீது குறை கூறுவதாக காங்கிரஸ் முன்னாள் தலைவர் ராகுல் காந்தி விமர்சித்துள்ளார். பெட்ரோல், டீசல் விலை நாளுக்கு நாள் அதிகரித்து வருகிறது. இந்நிலையில், நேற்று முன்தினம் பிரதமர் மோடி மாநில முதல்வர்களுடன் கலந்துரையாடினார். அப்போது, ஒன்றிய அரசு கடந்த ஆண்டு நவம்பரிலேயே எரிபொருள் மீதான வரியை குறைத்துவிட்டதாகவும், ஆனால் எதிர்க்கட்சிகள் ஆளும் சில மாநிலங்கள் வரியை குறைக்காமல் அதன் பலனை பொதுமக்களுக்கு வழங்காமல் அநீதி இழைப்பதாக குற்றம்சாட்டினார். தேசிய நலனை கருத்தில் கொண்டு வரியை குறைக்க வேண்டும் என்றும் வலியுறுத்தி இருந்தார். இதற்கு எதிர்க்கட்சிகள் கடும் கண்டனம் தெரிவித்து வருகின்றன. இது தொடர்பாக காங்கிரஸ் முன்னாள் தலைவர் ராகுல் காந்தி நேற்று வெளியிட்டுள்ள டிவிட்டர் பதிவில், ‘மொத்த எரிபொருள் விலையில் 68 சதவீதத்தை ஒன்றிய அரசு எடுத்துக் கொள்கிறது. எனினும், பிரதமர் தனது பொறுப்பில் இருந்து விலகி நின்று கொண்டு மாநிலங்கள் மீது குற்றம்சாட்டுகிறார். பிரதமரின் கூட்டாட்சி என்பது கூட்டுறவு அல்ல கட்டாயப்படுத்துவதாக உள்ளது,’ என்று குற்றம்சாட்டி உள்ளார்.

மேலும் செய்திகள்

Like Us on Facebook Dinkaran Daily News
  • om-mathan-kark

    சாதனை படைக்க வயசு தடை இல்லை: எவரெஸ்ட் அடிவாரத்துக்கு நடந்தே சென்று சாதித்த 6 வயது சிறுவனின் சாகச பயணம்..!

  • landslide-colombia

    கொலம்பியாவில் ஏற்பட்ட நிலச்சரிவில் சிக்கி உயிரிழந்தவர்களின் எண்ணிக்கை 33 அதிகரிப்பு..!

  • tirupati-murmu-5

    திருப்பதி ஏழுமலையான் கோவிலில் குடியரசு தலைவர் திரௌபதி முர்மு சுவாமி தரிசனம்..!!

  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

படங்கள் வீடியோ கல்வி சினிமா ஜோ‌திட‌ம்