SUN குழுமத்திலிருந்து வெளிவரும் காலை நாளிதழ்

திருப்புத்தூர் அருகே கண்மாயில் களைகட்டிய மீன்பிடி திருவிழா

2022-04-25@ 12:08:16

*கட்லா, ஜிலேபி அதிகளவில் சிக்கின

திருப்புத்தூர் : திருப்புத்தூர் அருகே நடந்த மீன்பிடி திருவிழாவில் 2 ஆயிரத்திற்கும் மேற்பட்டோர் பங்கேற்றனர். இதில் கட்லா, ஜிலேபி உள்ளிட்ட மீன்கள் அதிகளவில் சிக்கின. தென்மாவட்ட கிராமங்களில் உள்ள கண்மாய்களில் விவசாய தேவைக்கு தண்ணீரை பயன்படுத்திய பிறகு, நீர் வற்றியதும் கிராமத்தின் சார்பில் மீன்பிடி திருவிழா நடத்துவது வழக்கம்.

இதில் அருகில் இருக்கும் கிராம மக்களும் கலந்து கொண்டு ஒற்றுமையாக, கண்மாயில் கிடைக்கும் மீன்களை பிடித்துச் செல்வார்கள். சிவகங்கை மாவட்டம், திருப்புத்தூர் அருகே பூலாங்குறிச்சியில் உள்ள கண்ணடி கண்மாயில் தண்ணீர் வற்றிய நிலையில் நேற்று மீன்பிடி திருவிழா நடந்தது. இதில் பூலாங்குறிச்சி, துவார், திருக்கோளக்குடி, ஆத்திரம்பட்டி, செவ்வூர் உள்ளிட்ட கிராமங்களில் இருந்து சிறுவர்கள், பெரியவர்கள் என சுமார் 2 ஆயிரத்திற்கும் மேற்பட்டோர் பங்கேற்றனர்.

பாரம்பரிய முறைப்படி மூங்கிலால் வேயப்பட்ட ஊத்தா என்ற மீன்பிடி பொருளை வைத்து போட்டி போட்டு மீன்களை பிடித்தனர். இதில் விரால், கட்லா, ஜிலேபி, கெழுத்தி, ரோகு உள்ளிட்ட மீன்கள் அதிகளவில் சிக்கின. இதனால் அப்பகுதியில் உள்ள பல கிராமங்களில் மீன் குழம்பு வாசனை மூக்கை துளைத்தது. இதேபோல் காரைக்குடி அருகே செவரக்கோட்டை நெடுவா கண்மாயிலும் மீன்பிடி திருவிழா நடைபெற்றது. இதிலும் ஏராளமான கிராமமக்கள் பங்கேற்றனர்.

மேலும் செய்திகள்

Like Us on Facebook Dinkaran Daily News
  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

  • london-vertical-farm-29

    நிலத்தில் இருந்து 100 அடிக்குக் கீழே விவசாயம்!: லண்டனில் பிரபலமாகி வரும் "வெர்டிக்கல் ஃபார்மிங்"

படங்கள் வீடியோ கல்வி சினிமா ஜோ‌திட‌ம்