SUN குழுமத்திலிருந்து வெளிவரும் காலை நாளிதழ்

வாளையாறு சோதனைச்சாவடியில் தீவிர கண்காணிப்பு: இரண்டு ஆவணங்கள் வைத்திருந்தால் மட்டுமே தமிழகத்திற்குள் அனுமதி

2022-01-22@ 17:35:08

வாளையாறு: கேரளாவில் கொரோனா பரவல் அதிகரித்துவரும் நிலையில் தமிழக - கேரள எல்லையான வாளையாறு சோதனைச்சாவடியில் தீவிர தணிக்கைக்கு பிறகே வாகனங்கள் தமிழக எல்லைக்குள் அனுமதிக்கப்படுகின்றது. தமிழகத்தில் நாளை ஞாயிற்றுக்கிழமை என்பதால் முழு ஊரடங்கு அறிவிக்கப்பட்டுள்ளது. குறிப்பாக மாநில, மாவட்ட எல்லைகளில் பாதுகாப்பு பணிகளில் போலீஸ் மற்றும் சுகாதாரத்துறையினர் தீவிர கண்காணிப்பில் ஈடுபட்டு உள்ளனர். கேரளாவிற்கு மிக அருகில் கோவை மாவட்டம் இருப்பதால், கேரளாவிலிருந்து கோவைக்கு வரக்கூடிய 14 பாதைகளில் போலீசார் பாதுகாப்பு பணியில் ஈடுபட்டுள்ளனர்.

நாளை ஊரடங்கு என்பதால் இன்றே மக்கள் அதிகமாக கோவைக்குள் வருவதற்கான வாய்ப்புகள் உள்ள நிலையில், அப்பகுதியில் வரக்கூடிய வாகனங்களை நிறுத்தி, வருவதற்கான காரணம் என்ன என்பதும், இரண்டு ஆவணங்கள் வைத்திருந்தால் மட்டுமே தமிழகத்திற்குள் அனுமதி என்றும் தெரிவித்துள்ளனர். 2 டோஸ் தடுப்பூசி செலுத்தி கொண்டதற்கான சான்றிதழ் அல்லது கொரோனா பரிசோதனை 72 மணிநேரத்திற்குள் எடுத்துக்கொண்ட சான்றிதழ் இருந்தால் தான் தமிழகத்திற்குள் அனுமதி எனவும் தெரிவித்துள்ளனர். தேவையற்ற பயணமான சுற்றுலா தளங்களுக்கு வரக்கூடிய நபர்களுக்கு நாளை முழுஊரடங்கு என்பதை எடுத்துரைத்து மீண்டும் அவர்களை கேரளாவிற்கே அனுப்பிவைக்கின்றனர். கோவை மாவட்டத்தில் கொரோனா தினசரி பாதிப்பு 3,000 கடந்த நிலையில், சோதனைச்சாவடியில் காவல்துறையினர் தீவிர கண்காணிப்பில் ஈடுபட்டுள்ளனர்.                   

மேலும் செய்திகள்

Like Us on Facebook Dinkaran Daily News
  • pudha_purnima

    உலகம் முழுவதும் புத்த பூர்ணிமா கோலாகல கொண்டாட்டம்..!!

  • nellai-16

    நெல்லை மாவட்டம் முன்னீர்பள்ளம் அருகே கல்குவாரியில் பாறை சரிந்து விழுந்து விபத்து; மீட்பு பணிகள் தீவிரம்..!!

  • nepallumbii

    நேபாளத்தில் பிரதமர் மோடி...லும்பினியில் புத்தர் பிறந்த இடத்தில் உள்ள மாயாதேவி கோவிலில் சிறப்பு வழிபாடு!! .

  • ooty-rose-exhi-14

    50,000 ரோஜாக்களால் உருவான மரவீடு, மஞ்சப்பை...!: துவங்கியது ஊட்டி ரோஜா மலர் கண்காட்சி..வியப்புடன் கண்டு ரசிக்கும் சுற்றுலா பயணிகள்..!!

  • odisha_park

    இந்தியாவில் முதல்முறையாக மாற்றுத்திறனாளிகளுக்கான உணர்வு பூங்கா ஒடிசாவில் திறப்பு..!!!

படங்கள் வீடியோ கல்வி சினிமா ஜோ‌திட‌ம்