வடகிழக்கு பருவமழையால் பருத்தி உற்பத்தி பெரும் பாதிப்பு: கடந்த ஆண்டைவிட குறைந்தபட்சம் ரூ.3,000 விலை உயர்வு
2022-01-22@ 11:34:14

சேலம்: உலகளவில் பஞ்சு சந்தைகளில் பஞ்சு விலை உயர்வு மற்றும் வடகிழக்கு பருவமழை காரணமாக பருத்தி உற்பத்தி பாதிக்கப்பட்டதன் விளைவாக பஞ்சு விலை கடுமையாக உயர்ந்துள்ளது. இந்தியாவில் குஜராத் மாநிலத்திற்கு அடுத்தபடியாக தமிழ்நாட்டில் அதிகளவு பருத்தி சாகுபடி செய்யப்பட்டு வருகிறது. சேலம், கள்ளகுறிச்சி, விழுப்புரம், பெரம்பலூர் உள்ளிட்ட 10-க்கும் மேற்பட்ட மாவட்டங்களில் அதிகளவு பருத்தி சாகுபடி மேற்கொள்ளப்பட்டு வருகிறது. உயர்தரம் மற்றும் அதிகளவு நூல் எடைகள் உள்ளதன் காரணமாக இப்பகுதியில் பருத்தி வியாபாரிகள் அதிகளவு பருத்தி கொள்முதல் செய்கின்றனர். இந்நிலையில் வடகிழக்கு பருவமழை காரணமாக பருத்தி செடிகள் சேதமடைந்து, உற்பத்தி பாதித்து ஒரு ஏக்கருக்கு 10 குவிண்டால் வரக்கூடிய பருத்தி 3 குவிண்டால் மட்டுமே வருகிறது.
இதனால் கூட்டுறவு விற்பனை சங்கங்கள் உள்ளிட்ட மண்டிகளுக்கு பருத்தி வரத்து குறைந்துள்ளதாக தெரிவிக்கும் வியாபாரிகள் பருத்தி விலை உயர்ந்துள்ளதாக தெரிவிக்கின்றனர். உலகளவில் பஞ்சு மார்க்கெட்டில் தேவையான அளவிற்கு பருத்தி கிடைக்காததால் விலை கடுமையாக உயர்ந்துள்ளதாக கூறும் வியாபாரிகள் இதனால் கடந்த ஆண்டைவிட பருத்தி விலை குவிண்டால் ஒன்றிற்கு குறைந்தபட்சம் ரூ.3,000 விலை ஏற்றம் கண்டுள்ளதாக கூறுகின்றனர். கொரோனா கால கட்டத்தில் பஞ்சுமில்கள் தொடர்ந்து இயங்கும் பட்சத்தில் விலை குறைய வாய்ப்பில்லை என குறிப்பிட்ட அவர்கள் வெளிநாடுகளுக்கு பஞ்சை ஏற்றுமதி செய்வதை தடை செய்யவும், இறக்குமதிக்கு விதிக்கப்படும் 11% வரியை நீக்க வேண்டும் என்று வலியுறுத்தினர்.
மேலும் செய்திகள்
6 அம்ச கோரிக்கைகளை வலியுறுத்தி காதுகேளாதோர் காத்திருப்பு போராட்டம்
சாலை விபத்தில் பிரபல ரவுடி பலி
காட்டு தேவத்தூர் ஊராட்சியில் ஆக்கிரமிப்பின் பிடியில் 150 ஏக்கர் அரசு நிலம்; மீட்டு தர கிராமமக்கள் வலியுறுத்தல்
காஞ்சிபுரம் அருகே குருபகவான் கோயில் கும்பாபிஷேகம்
ஓடிக்கொண்டிருந்த ஆட்டோவில் திடீர் தீ; ஊழியர்கள் தப்பினர்
ஆவடியில் கிடப்பில் போடப்பட்டுள்ளதால் குப்பை கொட்டும் இடமாக மாறிய மழைநீர் கால்வாய்; நடவடிக்கை எடுக்க மக்கள் வலியுறுத்தல்
அமெரிக்காவில் டெக்சாஸ் மாகாணத்தில் லாரி ஒன்றில் 53 அகதிகள் சடலமாக மீட்பு... 16 பேர் கவலைக்கிடம்!!
கலிபோர்னியாவில் மீண்டும் பற்றி எரியும் காட்டுத் தீ..135 ஏக்கர் வனப்பகுதி தீக்கிரை..!!
நுபுர் சர்மாவை ஆதரித்த டெய்லர் தலை துண்டித்து கொடூர கொலை ராஜஸ்தானில் வன்முறை, போராட்டம்!!
ஆச்சர்யமூட்டும் கலைநயம்!: அமெரிக்கா சியாட்டெலில் அமைந்துள்ள கண்ணாடி பூங்காவின் வியக்க வைக்கும் புகைப்படங்கள்..!!
அமெரிக்காவில் ரயில் தடம் புரண்டு 3 பேர் பரிதாப சாவு; 50 பேர் காயம்