SUN குழுமத்திலிருந்து வெளிவரும் காலை நாளிதழ்

அமெரிக்காவின் தடைக்கு பதிலடி ரயிலில் இருந்து ஏவுகணை: மிரட்டுகிறது வடகொரியா

2022-01-16@ 03:33:06

*ஒரே மாதத்தில் 3வது முறை

சியோல் : அமெரிக்கா விதித்துள்ள பொருளாதார தடைக்கு பதிலடி கொடுக்கும் வகையில், வடகொரியா நேற்று ரயிலில் இருந்து 2 குறுகிய தூர ஏவுகணைகளை ஏவி சோதனைகளை நடத்தியது. ஐநா அமைப்பு, அமெரிக்கா உள்ளிட்ட நாடுகளின் பொருளாதாரத் தடைகளையும் பொருட்படுத்தாது வடகொரியா ஏவுகணை, அணு ஆயுத சோதனைகளை தொடர்ந்து நடத்தி வருகிறது.

கொரோனா தொற்று, பொருளாதாரத் தடைகள், அதிபர் கிம் ஜாங் உன்னின் நிர்வாக தவறுகளினால் வடகொரியாவில் கடும் உணவு பஞ்சம் நிலவி வருவதாக தகவல்கள் வெளியாகி வருகின்றன. இருப்பினும், ஏவுகணை சோதனையை வடகொரியா நிறுத்தவில்லை. இந்நிலையில், சமீபத்தில் நடத்திய 2 ஏவுகணை சோதனைகளுக்காக வடகொரியாவின் மீது அமெரிக்கா கூடுதல் பொருளாதார தடைகளை விதித்தது. ஆனால், இதற்கு சவால் விடும் வகையில் நேற்று முன்தினமும் வடகொரியா அடுத்தடுத்து 2 குறுகிய தூர ஏவுகணைகளை ரயிலில் இருந்து ஏவி சோதனை செய்தது.

தென்கொரியாவின் நிலப்பகுதியில் 430 கிமீ தூரத்தை 36 கிமீ உயரத்தில் 2 ஏவுகணைகள் 11 நிமிடங்களில் கடந்து சென்று, கடலில் இருந்த இலக்கை தகர்த்தன. இது, இந்த மாதத்தில் நடத்தப்படும் 3வது சோதனையாகும். ஏற்கனவே, கடந்த 5ம் தேதி தொலைதூர ஏவுகணை, கடந்த 11ம் தேதி ஹைப்பர்சோனிக் ஏவுகணை சோதனையை வடகொரியா நடத்தியது.

மேலும் செய்திகள்

Like Us on Facebook Dinkaran Daily News
  • same-sex-27

    மெக்சிகோவில் நூற்றுக்கணக்கான ஒரே பாலின ஜோடிகளுக்கு ஒன்றாக திருமணம்..!!

  • israel-desert-24

    இஸ்ரேலில் உள்ள பாலைவனத்தில் நடத்தப்பட்ட அகழ்வாராய்ச்சியில் பழங்கால மசூதி கண்டுபிடிப்பு..!!

  • Ecuador_protests

    ஈக்வேடாரில் தொடர்ந்து உயரும் எரிபொருட்களின் விலையால் பொதுமக்கள் சாலையில் போராட்டம்..!!

  • pondi-scl-23

    புதுச்சேரியில் இன்று பள்ளிகள் திறப்பு: மாணவர்களை உற்சாகமாக வரவேற்ற ஆசிரியர்கள்..!!

  • admk-23

    50 ஆண்டுகளில் முதன்முறையாக தொடங்கிய சில நிமிடங்களிலேயே முடிந்தது அதிமுக பொதுக்குழு கூட்டம்..!!

படங்கள் வீடியோ கல்வி சினிமா ஜோ‌திட‌ம்