SUN குழுமத்திலிருந்து வெளிவரும் காலை நாளிதழ்

181வது பிறந்தநாளை முன்னிட்டு பெரியாறு அணையை கட்டிய பென்னிகுக் சிலைக்கு அரசு மரியாதை

2022-01-16@ 02:16:52

கூடலூர் :  பெரியாறு அணையை கட்டிய பென்னிகுக்கின் 181வது பிறந்த நாளை முன்னிட்டு, கூடலூர் அருகே உள்ள அவரது சிலைக்கு அரசு சார்பில் மரியாதை செலுத்தப்பட்டது. பெரியாறு அணையைக் கட்டி தென் தமிழக மக்களின் வாழ்வாதாரத்தை உயர்த்திய ஆங்கிலேய பொறியாளர் கர்னல் ஜான் பென்னிகுக்கின் பிறந்தநாள் ஆண்டுதோறும் ஜன.15ம் தேதி கொண்டாடப்படுகிறது. தென் தமிழக மக்கள் பொங்கல் விழாவோடு பென்னிகுக்கின் பிறந்தநாள் விழாவையும் கொண்டாடி வருகின்றனர். கடந்த 2019 முதல் அரசு விழாவாக கொண்டாடப்படுகிறது.

பென்னிகுக்கின் 181வது பிறந்தநாள் விழாவை முன்னிட்டு தேனி மாவட்டம், கூடலூர் அருகே, லோயர்கேம்பில் உள்ள அவரது மணி மண்டபத்தில் அரசு சார்பில் நடந்த நிகழ்ச்சியில், தேனி கலெக்டர் முரளீதரன், மாவட்ட திமுக பொறுப்பாளர்கள்(தெற்கு) கம்பம் ராமகிருஷ்ணன் எம்எல்ஏ, தங்கத்தமிழ்செல்வன் (வடக்கு) மற்றும் எம்எல்ஏக்கள் ஆண்டிபட்டி மகாராஜன், பெரியகுளம் சரவணக்குமார் கலந்து கொண்டு பென்னிகுக் சிலைக்கு மாலை அணிவித்து மரியாதை செலுத்தினர்.

அதிமுக சார்பில் கட்சி ஒருங்கிணைப்பாளர் ஓ.பன்னீர்செல்வம் தலைமையில்,  முன்னாள் அமைச்சர் உதயகுமார்  உள்ளிட்டோர், மதிமுக சார்பில் மாவட்டச்செயலாளர் ராமகிருஷ்ணன் தலைமையில், அக்கட்சியினர் மற்றும் பல்வேறு கட்சியினர், விவசாய அமைப்பினர், பொதுமக்கள் மரியாதை செலுத்தினர்.

மேலும் செய்திகள்

Like Us on Facebook Dinkaran Daily News
  • glass-park-29

    ஆச்சர்யமூட்டும் கலைநயம்!: அமெரிக்கா சியாட்டெலில் அமைந்துள்ள கண்ணாடி பூங்காவின் வியக்க வைக்கும் புகைப்படங்கள்..!!

  • america_tra11

    அமெரிக்காவில் ரயில் தடம் புரண்டு 3 பேர் பரிதாப சாவு; 50 பேர் காயம்

  • asaam_rain

    அசாம் வெள்ளப்பெருக்கு: 135 பேர் உயிரிழந்த நிலையில் மீட்புப்பணிகள் தீவிரம்

  • tour-28

    ஊர் சுற்றலாம் வாங்க!: உள்ளம் கொள்ளை கொள்ளும் அழகான இந்திய சுற்றுலா இடங்களின் புகைப்பட தொகுப்பு..!!

  • ukrainmaalll11

    உக்ரைனில் 1,000 பேர் இருந்த மாலில் ரஷ்யா ஏவுகணை தாக்குதல்: 16 பேர் பலி... 59 பேர் படுகாயம்;

படங்கள் வீடியோ கல்வி சினிமா ஜோ‌திட‌ம்