SUN குழுமத்திலிருந்து வெளிவரும் காலை நாளிதழ்

சிவசங்கர் பாபா ஆசிரமத்தில் சிபிசிஐடி போலீசார் 2வது முறை சோதனை

2021-12-09@ 00:16:44

திருப்போரூர்: சென்னை அருகே உள்ள கேளம்பாக்கத்தில் பிரபல டான்ஸ் சாமியார் சிவசங்கர் பாபாவுக்கு சொந்தமான சுஹில்ஹரி பன்னாட்டு உறைவிடப்பள்ளி உள்ளது. இங்கு படித்து வந்த மாணவிகளுக்கு சாமியார் சிவசங்கர் பாபா, பாலியல் தொல்லை கொடுத்ததாக புகார்கள் வந்தன. இதையடுத்து, டெல்லியில் பதுங்கி இருந்த சிவசங்கர் பாபாவை, போக்சோ சட்டத்தின் கீழ் போலீசார் கைது செய்து புழல் சிறையில் அடைத்தனர். அப்போது, பல்வேறு மாணவிகள் அளித்த புகாரின் பேரில் அவர் மீது 5 போக்சோ வழக்குகள் பதிவானது.

தொடர்ந்து, கடந்த நவம்பர் 29ம் தேதி சிபிசிஐடி டிஎஸ்பி வேல்முருகன் தலைமையில் போலீசார் சுசில்ஹரி பள்ளி, ராமராஜ்யம் ஆசிரமம், சிவசங்கர் பாபாவுக்கு உதவியாக இருந்தவர்களின் குடியிருப்புகளுக்கு சென்று சோதனை நடத்தினர். இதில், சிலரது வீடுகள் பூட்டப்பட்டு இருந்ததால், அவர்களின் வீட்டு கதவில் நோட்டீஸ் ஒட்டிவிட்டு திரும்பினர். இந்நிலையில், சிபிசிஐடி போலீசார், நேற்று 2ம் கட்ட சோதனையை நடத்தினர். இதில் காலை 9 மணிமுதல் இரவு 8 மணிவரை அறைகளை திறந்து சோதனையிட்டனர்.  திறக்க முடியாத சில ராக்குகள் கார்பென்டரை வரவழைத்து, அதனை உடைத்து திறக்கப்பட்டன. அதில் முக்கிய ஆவணங்கள், பெண் டிரைவ், ஹர்டுடிஸ்க் ஆகியவற்றை கைப்பற்றினர்.

மேலும் செய்திகள்

Like Us on Facebook Dinkaran Daily News
  • sydney-snow-27

    மூடுபனிக்கு நடுவே காட்சியளிக்கும் சிட்னி நகரம்!: பனியால் மூடப்பட்ட பிரம்மாண்ட வானுயர்ந்த கட்டிடங்கள்..!!

  • modistaaa

    ஒரே மேடையில் முதல்வர் மு.க.ஸ்டாலின்- பிரதமர் மோடி : தமிழகத்தில் ரூ.31,500 கோடி மதிப்பிலான திட்டங்களை தொடக்கி வைத்தார்!!

  • peru_Clowns Day

    பெரு நாட்டில் களைகட்டிய கோமாளிகள் தினம்.!! குழந்தைகளுடன் மக்கள் உற்சாக வரவேற்பு

  • yercaussss

    ஏற்காட்டில் கோடை விழா: பட்டாம்பூச்சி, சின்சான் உருவம், மஞ்சப்பை உள்ளிட்ட வடிவங்கள் மலர்களால் வடிவமைப்பு!!

  • america_primery

    அமெரிக்க தொடக்கப்பள்ளியில் துப்பாக்கிசூடு..!! குழந்தைகள் உள்பட 20 பேர் பலி

படங்கள் வீடியோ கல்வி சினிமா ஜோ‌திட‌ம்