SUN குழுமத்திலிருந்து வெளிவரும் காலை நாளிதழ்

ஒரே நாளில் திருமணம்... ஒரே நாளில் பிரசவம்: கேரளாவில் அபூர்வ இரட்டை சகோதரிகள்

2021-12-09@ 00:15:38

திருவனந்தபுரம்: கேரள மாநிலம் கோட்டயம் அருகே தலயோலபரம்பு பகுதியை சேர்ந்தவர் சந்திரசேகர் நாயர். அவரது மனைவி அம்பிகா. இவர்களுக்கு 1995ம் ஆண்டு அக்டோபர் மாதம் இரட்டை பெண் குழந்தைகள் பிறந்தன. குழந்தைகளுக்கு ஸ்ரீபிரியா, ஸ்ரீலட்சுமி என்று பெயரிட்டனர். 2 பேரும் இணை பிரியாமல் ஒன்றாகவே வளர்ந்தனர். 2 பேருக்கும் ஒரே நாளில் ஒரே மேடையில் திருமணம் நடக்க வேண்டும் என்று இரட்டை சகோதரிகள் ஆசைப்பட்டனர். அவர்கள் நினைத்தபடியே கடந்த வருடம் டிசம்பர் 11ம் தேதி, கோட்டயத்தில் உள்ள ஒரு மண்டபத்தில் ஒரே நாளில், ஒரே மேடையில் திருமணம் நடந்தது. ஸ்ரீபிரியாவின் கணவர் வினூப் கொல்லத்தை சேர்ந்தவர். ஸ்ரீலெட்சுமியின் கணவர் ஆகாஷ் நாத். திருவனந்தபுரத்தை சேர்ந்தவர்.

திருமணத்திற்கு பிறகு வேறு வழியில்லாமல் பிரிந்து, 2 பேரும் அவரவர் கணவர்களின் வீடுகளுக்கு சென்றனர். இந்த நிலையில் முதலில் ஸ்ரீபிரியா கர்ப்பம் அடைந்தார். அடுத்த ஒரு சில தினங்களிலேயே ஸ்ரீலெட்சுமியும் கர்ப்பிணியானார். இதையடுத்து கடந்த 2 மாதங்களுக்கு முன்பு 2 பேரும் பெற்றோர் வீட்டிற்கு பிரசவத்திற்கு வந்தனர். 2 பேரும் தாங்கள் பிறந்த மருத்துவமனையிலேயே சிகிச்சை பெற்றனர். இந்த நிலையில் நேற்று  முன்தினம் பிற்பகல் ஸ்ரீபிரியா ஒரு பெண் குழந்தையை பெற்றெடுத்தார். மாலை  6.45 மணிக்கு ஸ்ரீலெட்சுமியும் ஒரு பெண் குழந்தையை பெற்றெடுத்தார். இரட்டை சகோதரிகள் கூறியதாவது: ‘இது 2 பேருக்கும் உள்ள மன ஒற்றுமை காரணமாக நடந்திருக்கலாம். நாங்கள் இணை பிரியாது வளர்ந்தது போல, எங்கள் குழந்தைகளும் வளரட்டும்’ என்றனர்.

மேலும் செய்திகள்

Like Us on Facebook Dinkaran Daily News
  • sri_langa

    மோசமான நிலையில் இலங்கை..!! பொருளாதார நெருக்கடியில் அல்லல்படும் மக்கள்

  • sydney-snow-27

    மூடுபனிக்கு நடுவே காட்சியளிக்கும் சிட்னி நகரம்!: பனியால் மூடப்பட்ட பிரம்மாண்ட வானுயர்ந்த கட்டிடங்கள்..!!

  • modistaaa

    ஒரே மேடையில் முதல்வர் மு.க.ஸ்டாலின்- பிரதமர் மோடி : தமிழகத்தில் ரூ.31,500 கோடி மதிப்பிலான திட்டங்களை தொடக்கி வைத்தார்!!

  • peru_Clowns Day

    பெரு நாட்டில் களைகட்டிய கோமாளிகள் தினம்.!! குழந்தைகளுடன் மக்கள் உற்சாக வரவேற்பு

  • yercaussss

    ஏற்காட்டில் கோடை விழா: பட்டாம்பூச்சி, சின்சான் உருவம், மஞ்சப்பை உள்ளிட்ட வடிவங்கள் மலர்களால் வடிவமைப்பு!!

படங்கள் வீடியோ கல்வி சினிமா ஜோ‌திட‌ம்