SUN குழுமத்திலிருந்து வெளிவரும் காலை நாளிதழ்

லண்டனில் வரும் தை மாதம் தமிழ் மரபுரிமை மாதமாக கொண்டாடப்படும்: லண்டன் நகர பேரவையில் தீர்மானம் நிறைவேற்றம்

2021-12-03@ 18:01:22

பிரிட்டன்: லண்டனில் தமிழ் மொழியையும், கலைகளையும் கொண்டாட வழிவகை செய்யும் திட்டத்திற்கு மாநகர நிர்வாகம் ஒப்புதல் வழங்கியுள்ளது. பிரிட்டனில் மருத்துவர்கள், செவிலியர்கள் மற்றும் முன்னணி சுகாதார வல்லுநர்கள் என சுமார் 15,000 தமிழர்கள் பணிபுரிகின்றனர். இது தவிர ஆயிரக்கணக்கான தமிழர்கள் ஆசிரியர்களாகவும், ஆசிரியர் உதவியாளர்களாகவும் பிரிட்டன் பாடசாலைகளில் பணியாற்றுகின்றனர். இதன் மூலம் பிரிட்டனில் சமூக, பொருளாதார, கலாச்சார மற்றும் அரசியல் கட்டமைப்பிற்கு தமிழர்கள் குறிப்பிடத்தக்க பங்களிப்பை வழங்கியுள்ளனர். இந்நிலையில், லண்டனில் வரும் தை மாதம் தமிழ் மரபுரிமை மாதமாக கொண்டாடப்படும் என அறிவிக்கப்பட்டிருக்கிறது.

அதன்படி ஆண்டுதோறும் தை மாதம் தமிழ் மரபுரிமை மாதமாக கடைபிடிக்கப்படும் என லண்டன் மாநகர நிர்வாகம் அறிவித்துள்ளது. லண்டன் நகர பேரவையின் கன்செர்வேட்டிவ் உறுப்பினர் நிக்ரோ ஜெர்ஸ், தமிழ் மரபுரிமை மாதத்திற்கான தீர்மானத்தை முன்மொழிந்தார். அனைத்து உறுப்பினர்களும் இந்த தீர்மானத்தை ஒருமனதாக ஏற்றுக்கொண்டனர். எனவே வரும் தை மாதம் தமிழ் மரபுரிமை மாதமாக லண்டனில் கடைபிடிக்கப்பட்டு தமிழ்மொழி, பண்பாடு, கலை ஆகியவற்றை கொண்டாடும் நிகழ்ச்சிகள் நடத்தப்படும். ஏற்கனவே கனடாவில் இதேபோல தமிழ் மரபுரிமை மாதம் கொண்டாடப்பட்டு வருவது குறிப்பிடத்தக்கது.

மேலும் செய்திகள்

Like Us on Facebook Dinkaran Daily News
  • ooty_flower

    பூத்துக்குலுங்கும் வண்ண மலர்களோடு இன்று தொடங்கியது உதகை மலர் கண்காட்சி..!!

  • bharat111

    சென்னை ஐசிஎப் தொழிற்சாலையில் வந்தே பாரத் ரயில் பணிகள் : ஒன்றிய அமைச்சர் அஸ்வினி வைஷ்ணவ் ஆய்வு

  • charles_kameela

    3 நாள் சுற்றுப்பயணமாக இளவரசர் சார்லஸ்- கமிலா தம்பதி கனடா வருகை

  • arungatchimmaa1

    சர்வதேச அருங்காட்சியக தினம் : நாடு முழுவதும் உள்ள அருங்காட்சியங்களில் குவிந்த மக்கள்!!

  • porkappal1

    முற்றிலும் இந்தியாவில் தயாரிக்கப்பட்ட 2 போர்க்கப்பல்களை நாட்டுக்கு அர்ப்பணித்தார் ராஜ்நாத்சிங்

படங்கள் வீடியோ கல்வி சினிமா ஜோ‌திட‌ம்