SUN குழுமத்திலிருந்து வெளிவரும் காலை நாளிதழ்

‘ஃபிட்னஸ்’ நிறுவன முதலீடு விவகாரம்; நடிகை ஷில்பா, கணவர் மீது வழக்கு: மும்பை போலீஸ் நடவடிக்கை

2021-11-14@ 18:31:39

மும்பை: ‘ஃபிட்னஸ்’ நிறுவன முதலீடு விவகாரம் தொடர்பாக நடிகை ஷில்பா ஷெட்டி மற்றும் அவரது கணவர் உள்ளிட்டோர் மீது மும்பை போலீசார் வழக்கு பதிவு செய்துள்ளனர். பாலிவுட் நடிகை ஷில்பா ஷெட்டியின் கணவர் ராஜ் குந்த்ரா மீது செக்ஸ் ஆப்ஸ் தயாரித்து வெளியிட்ட விவகாரத்தில் கைது செய்யப்பட்டு, தற்போது ஜாமீனில் உள்ளார். இந்நிலையில் மும்பையின் பாந்த்ரா காவல் நிலையத்தில் நிதின் பராய் என்பவர், ஷில்பா ஷெட்டி, அவரது கணவர் ராஜ் குந்த்ரா, எஸ்எஃப்எல் ஃபிட்னஸ் பிரைவேட் லிமிடெட் நிறுவனத்தின் இயக்குனர் காசிப் கான் ஆகியோர் மீது புகார் அளித்தார். அதில், ‘ஷில்பா ஷெட்டி, ராஜ் குந்த்ரா ஆகியோர் உடற்பயிற்சி மையத்தை தொடங்குவதற்காக பணம் முதலீடு செய்ய கோரினர். அதில் வரும் லாபத்தை பகிர்ந்து கொடுப்பதாக கூறினர்.

அவர்களது பேச்சை நம்பி, அந்த நிறுவனத்தில் முதலீடு செய்தேன். ஆனால், அவர்கள் குறிப்பிட்டபடி எனக்கு லாபத்தில் பங்கு தரவில்லை. நான் முதலீடு செய்த பணத்தை திருப்பி கேட்டால், அவர்கள் எனக்கு கொலை மிரட்டல் விடுக்கின்றனர். எனவே, மூவர் மீதும் நடவடிக்கை எடுக்க வேண்டும்’ என்று தெரிவித்துள்ளார். அதையடுத்து, ஷில்பா ஷெட்டி, ராஜ் குந்த்ரா, காசிப் கான் உள்ளிட்டோருக்கு எதிராக இந்திய தண்டனைச் சட்டம் 406, 409, 420, 506, 34 மற்றும் 120 (பி) பிரிவுகளின் கீழ் பாந்த்ரா போலீசார் வழக்கு பதிவு செய்து விசாரணையைத் தொடங்கியுள்ளனர். தற்போதைய புதிய வழக்கால் ராஜ் குந்த்ரா மற்றும் ஷில்பா ஷெட்டியிடம் போலீசார் விரைவில் விசாரணை நடத்த உள்ளனர் என்பது குறிப்பிடத்தக்கது.

மேலும் செய்திகள்

Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்