SUN குழுமத்திலிருந்து வெளிவரும் காலை நாளிதழ்

Dinakaran Daily news

லின்ஸ் ஓபன் டென்னிஸ் எம்மா அதிர்ச்சி தோல்வி

2021-11-11@ 00:39:13

லின்ஸ்: ஆஸ்ட்ரியாவில் நடைபெறும் லின்ஸ் ஓபன் டென்னிஸ் தொடரின் மகளிர் ஒற்றையர் பிரிவு காலிறுதிக்கு முந்தைய சுற்றில், முதல் நிலை வீராங்கனை எம்மா ரடுகானு (இங்கிலாந்து) அதிர்ச்சி தோல்வியடைந்து ஏமாற்றத்துடன் வெளியேறினார். யுஎஸ் ஓபன் கிராண்ட் ஸ்லாம் தொடரில் சாம்பியன் பட்டம் வென்று சாதனை படைத்த டீனேஜ் வீராங்கனை ரடுகானு (18 வயது), அதன் பிறகு பங்கேற்ற தொடர்களில் ஆரம்ப கட்ட சுற்றிலேயே மண்ணைக் கவ்வி சொதப்பி வருகிறார். இந்த நிலையில், லின்ஸ் ஓபனில் முதல் நிலை வீராங்கனையாக பெரும் எதிர்பார்ப்புடன் களமிறங்கிய அவர், காலிறுதிக்கு முந்தைய சுற்றில் சீனாவின் ஜின்யு வாங்குடன் (20 வயது, 106வது ரேங்க்) மோதினார்.

முதல் செட்டை 1-6 என இழந்த அவர், 2வது செட்டில் டை பிரேக்கர் வரை கடுமையாகப் போராடி 7-6 என கைப்பற்றி சமநிலை ஏற்படுத்தினார். எனினும், 3வது செட்டில் அதிரடியாக விளையாடி ரடுகானுவின் சர்வீஸ் ஆட்டத்தை முறியடித்த ஜின்யு வாங் 6-1, 6-7, 7-5 என்ற செட் கணக்கில் வெற்றியை வசப்படுத்தினார். பட்டம் வெல்லும் கனவுடன் களமிறங்கிய ரடுகானு பரிதாபமாக வெளியேறினார். விறுவிறுப்பான இப்போட்டி 2 மணி, 36 நிமிடத்துக்கு நீடித்தது. முன்னணி வீராங்கனைகள் சிமோனா ஹாலெப் (ருமேனியா), டேனியலி கோலின்ஸ் (அமெரிக்கா), வெரோனிகா குடெர்மடோவா (ரஷ்யா), அலிசன் ரிஸ்க் (அமெரிக்கா) ஆகியோரும் காலிறுதிக்கு முன்னேறி உள்ளனர்.

Dinakaran Daily news
Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்