SUN குழுமத்திலிருந்து வெளிவரும் காலை நாளிதழ்

பஞ்சாப் லோக் காங்கிரஸ் என்ற பெயரில் புதிய கட்சி தொடங்கினார் அமரீந்தர்

2021-11-03@ 00:06:30

புதுடெல்லி: பஞ்சாப் மாநில முன்னாள் முதல்வர் அமரீந்தர் சிங் ‘பஞ்சாப் லோக் காங்கிரஸ்’ என்ற பெயரில் புதிய கட்சி தொடங்கியதாக அறிவித்துள்ளார். பஞ்சாப் மாநில முதல்வராக இருந்த அமரீந்தர் சிங், இம்மாநில காங்கிரஸ் தலைவர் நவஜோத் சிங் சித்துவுடன் ஏற்பட்ட மோதலால் தனது பதவியை ராஜினாமா செய்தார். பின்னர், ஒன்றிய அமைச்சர் அமித்ஷாவையும், தேசிய பாதுகாப்பு ஆலோசகர் தோவாலையும் சந்தித்தார். இதனால், அவர் பாஜவில் சேரப்போவதாக கருத்து பரவியது. ஆனால், ‘நான் பாஜ.வில் இணையமாட்டேன். காங்கிரசிலும் நீடிக்க மாட்டேன்’ என்று அமரீந்தர் கூறினார்.

சில நாட்களுக்கு முன்பு புதிய கட்சி தொடங்கப் போவதாக அறிவித்தார். ஆனால், காங்கிரசில் இருந்து விலகாமல் இருந்தார். இந்நிலையில், தனது புதிய கட்சியின் பெயரை அமரீந்தர் நேற்று அறிவித்தார். அவரது புதிய கட்சிக்கு ‘பஞ்சாப் லோக் காங்கிரஸ்’ என்று தேர்தல் ஆணையத்தில் பதிவு செய்துள்ளார். இதற்கான ஒப்புதல் தேர்தல் ஆணையத்தில் நிலுவையில் உள்ளது. கட்சியின் சின்னமும் பிறகு அறிவிக்கப்படும் என்று கூறியுள்ள அமரீந்தர் சிங், முன்னதாக காங்கிரசில் இருந்து விலகுவதற்கான காரணங்களை அடுக்கி, கட்சியின் தலைவர் சோனியா காந்திக்கு 7 பக்க கடிதத்தை எழுதியுள்ளார்.

மேலும் செய்திகள்

Like Us on Facebook Dinkaran Daily News
  • charles_kameela

    3 நாள் சுற்றுப்பயணமாக இளவரசர் சார்லஸ்- கமிலா தம்பதி கனடா வருகை

  • arungatchimmaa1

    சர்வதேச அருங்காட்சியக தினம் : நாடு முழுவதும் உள்ள அருங்காட்சியங்களில் குவிந்த மக்கள்!!

  • porkappal1

    முற்றிலும் இந்தியாவில் தயாரிக்கப்பட்ட 2 போர்க்கப்பல்களை நாட்டுக்கு அர்ப்பணித்தார் ராஜ்நாத்சிங்

  • france_elizabeth

    30 ஆண்டுகளுக்கு பிறகு பிரான்சில் பெண் பிரதமர் பதவியேற்பு..!!

  • assam-rain-17

    அசாமில் அடித்து நொறுக்கிய கனமழை!: வெள்ளத்தில் மூழ்கிய ரயில் நிலையம்...2 லட்சம் பேர் பாதிப்பு..!!

படங்கள் வீடியோ கல்வி சினிமா ஜோ‌திட‌ம்