SUN குழுமத்திலிருந்து வெளிவரும் காலை நாளிதழ்

இன்று முதல் தமிழக திரையரங்குகளில் 100 சதவீதம் பார்வையாளர்களுக்கு அனுமதி: திரையரங்கு உரிமையாளர்கள் சங்கம் வரவேற்பு

2021-11-01@ 00:20:19

சென்னை: இன்று முதல், தமிழகம் முழுவதும் உள்ள திரையரங்குகளில் 100% பார்வையாளர்களுக்கு அனுமதி வழங்கி தமிழக அரசு உத்தரவு பிறப்பித்துள்ளது. இதை, தமிழ்நாடு திரையரங்கு உரிமையாளர்கள் சங்கம் வரவேற்றுள்ளது. மேலும், தமிழக முதல்வர் மு.க.ஸ்டாலினுக்கு சங்கம் சார்பில் நன்றி தெரிவித்துள்ளனர். இதுகுறித்து தமிழ்நாடு திரையரங்குகள் மற்றும் மல்டிபிளக்ஸ் தியேட்டர்கள் உரிமையாளர்கள் சங்க தலைவர் திருப்பூர் சுப்பிரமணியம் கூறியதாவது:

இன்று முதல், தமிழகம் முழுவதும் உள்ள திரையரங்குகளில் 100 சதவீத பார்வையாளர்களுக்கு அனுமதி வழங்கி தமிழக அரசு ஏற்கனவே உத்தரவு பிறப்பித்துள்ளது. இதை நாங்கள் வரவேற்கிறோம். இன்று முதல், தியேட்டருக்கு படம் பார்க்க வரும் அனைத்து ரசிகர்களுக்கும், அவர்களில் யார் முகக்கவசம் அணியவில்லையோ அவருக்கு, தியேட்டர் நிர்வாகமே இலவச முகக்கவசம் வழங்க உள்ளது. மேலும், தியேட்டர் வாசலிலேயே அனைவருக்கும் உடல் வெப்பநிலை பரிசோதனை செய்யப்பட உள்ளது. அரசாங்கத்தின் கொரோனா தடுப்பு விதிமுறைகளை கட்டாயம் அனைவரும் பின்பற்றுவோம். சானிடைசர் வழங்கவும் தியேட்டர் நிர்வாகிகளுக்கு சொல்லி இருக்கிறோம்.  

தமிழகம் முழுவதும் 1,112 ஸ்கிரீன்கள் உள்ளது. அனைத்திலும் 100 சதவீத பார்வையாளர்கள் பாதுகாப்புடன் படம் பார்த்து ரசிக்க ஏற்பாடுகள் செய்யப்பட்டுள்ளது. 100 சதவீத பார்வையாளர்களுக்கு அனுமதி வழங்கிய தமிழக அரசுக்கும், முதல்வர் மு.க.ஸ்டாலினுக்கும் நன்றி தெரிவித்துக்கொள்கிறோம். இவ்வாறு அவர் கூறினார்.

மேலும் செய்திகள்

Like Us on Facebook Dinkaran Daily News
  • china-corona-26

    தொடங்கிய இடத்தில் மீண்டும் ஆட்டம் காட்டும் கொரோனா!: சீனாவில் ஒரே நாளில் 31,000க்கும் அதிகமானோருக்கு பாதிப்பு..!!

  • ragul-priyanka-25

    நாம் ஒன்றாக நடக்கும்போது அடிகள் வலுவாக இருக்கும்; இந்திய ஒற்றுமை பயணத்தில் இணைந்த அண்ணன் - தங்கை..!!

  • ukrain-dark

    இருளில் தவிக்கும் உக்ரைன் மக்கள்: மின் உற்பத்தி நிலையங்களை குறி வைத்து ரஷ்யா தாக்குதல்..!

  • kolathur-chennai

    சென்னை கொளத்தூரில் 1.27 கோடியில் இறகுப்பந்து விளையாட்டு அரங்கை திறந்து வைத்து வீரர்களுடன் உற்சாகமாக விளையாடிய முதல்வர் மு.க.ஸ்டாலின்..!!

  • china-factory-fire-22

    சீனாவில் ரசாயன தொழிற்சாலையில் பயங்கர தீ விபத்து; 36 பேர் உயிரிழப்பு..!!

படங்கள் வீடியோ கல்வி சினிமா ஜோ‌திட‌ம்