SUN குழுமத்திலிருந்து வெளிவரும் காலை நாளிதழ்

வீடு வீடாக சென்று கொரோனா தடுப்பூசி போடும் மெகா திட்டத்தை அடுத்த மாதம் முதல் செயல்படுத்துங்கள்!: மாநில அரசுக்கு ஒன்றிய அரசு வலியுறுத்தல்..!!

2021-10-28@ 13:04:32

டெல்லி: வீடு வீடாக சென்று கொரோனா தடுப்பூசி போடும் திட்டத்தை அடுத்த மாதத்தில் இருந்து செயல்படுத்துமாறு மாநில அரசுகளை ஒன்றிய அரசு வலியுறுத்தியுள்ளது. இந்தியாவில் தற்போது கொரோனா பாதிப்பு படிப்படியாக குறைந்துள்ளது. அதிகப்படியான மக்கள் தடுப்பூசி செலுத்திக்கொண்டதே இதற்கு காரணம் என கூறப்படுகிறது. நாட்டில் கொரோனா தடுப்பூசி ஒரு டோஸ் செலுத்திக் கொண்டோரின் எண்ணிக்கை வெற்றிகரமாக 100 கோடியை தாண்டியுள்ளது. இதில், 2வது டோஸுக்கான கால அவகாசம் கடந்துவிட்ட போதிலும் சுமார் 20 கோடி பேர் 2ம் டோஸ் தடுப்பூசி செலுத்திக் கொள்ளாமல் இருப்பதாக ஒன்றிய சுகாதாரத்துறை அமைச்சகம் தெரிவித்திருக்கிறது.

எனவே அடுத்த மாதம் சுகாதாரப் பணியாளர்கள் மூலம் 2ம் டோஸ் செலுத்த தவறியவர்களுக்கு வீடுகளுக்கே சென்று தடுப்பூசி போடுமாறு மாநில அரசுகளை ஒன்றிய சுகாதாரத்துறை அமைச்சர் மன்சுக் மாண்டவியா அறிவுறுத்தியுள்ளார். இதேபோல, முதல் தவணை தடுப்பூசியையும் வீடு வீடாக சென்று போடுவார்கள் என்று அவர் கூறினார். அனைத்து மாநில சுகாதார அமைச்சர்களுடன் நேற்று காணொலியில் உரையாடிய அவர், வீடுகளுக்கே சென்று தடுப்பூசி போடும் மெகா திட்டத்தை அடுத்த மாதம் முதல் செயல்படுத்த வலியுறுத்தினார்.

எந்த மாவட்டமும் விடுபடாத வகையில்  நடவடிக்கை எடுக்கும்படி அவர் கேட்டுக்கொண்டார். 48 மாவட்டங்களில் தகுதி வாய்ந்த மக்களில் 50 சதவீதத்துக்கும் குறைவானவர்களே தடுப்பூசி போட்டுக் கொண்டுள்ளதாகவும், இந்த மாவட்டங்களில் சிறப்பு  கவனம் செலுத்தப்படும் என்றும் மன்சுக் மாண்டவியா தெரிவித்தார்.

மேலும் செய்திகள்

Like Us on Facebook Dinkaran Daily News
  • omicron virus

    ஓமைக்ரான் கொரோனா வைரஸ் அச்சுறுத்தல் காரணமாக உலக நாடுகளில் விமான நிலையங்களில் பல்வேறு கட்டுப்பாடுகள் விதிப்பு

  • parliament session 01

    பார்லி. கூட்டத்தில் எதிர்கட்சிகள் வௌிநடப்பு: இறந்த விவசாயிகளின் விபரம் இல்லை: ஒன்றிய அரசின் தகவலால் அதிர்ச்சி

  • mkstalin_011221

    கனமழையால் பாதிக்கப்பட்ட செம்மஞ்சேரி பகுதிகளில் 2வது நாளாக முதல்வர் மு.க.ஸ்டாலின் ஆய்வு: நிவாரண உதவிகள் வழங்கினார்

  • delhi-air-1

    மூச்சுவிட முடியல: டெல்லியில் தொடர்ந்து நீடிக்கும் காற்று மாசால் அல்லல்படும் மக்கள்..!!

  • aids-1

    வாழ்க்கை அழகானது அதை ஆள்கொல்லிக்கு கொடுத்துவிடாதே!: உலக எய்ட்ஸ் தினத்தை முன்னிட்டு விழிப்புணர்வு ஏற்படுத்தும் பொதுமக்கள்..!!

படங்கள் வீடியோ கல்வி சினிமா ஜோ‌திட‌ம்