SUN குழுமத்திலிருந்து வெளிவரும் காலை நாளிதழ்

மெச்சத்தக்க பணி செய்யும் போலீசாருக்கு‘மாதத்தின் நட்சத்திர காவலர் விருது’: சென்னை போலீஸ் கமிஷனர் அறிவிப்பு

2021-10-28@ 01:22:46

சென்னை: சென்னை போலீஸ் கமிஷனர் சங்கர் ஜிவால் உயர் போலீஸ் அதிகாரிகளுக்கு சுற்றறிக்கை ஒன்று அனுப்பி உள்ளார். அதில், சென்னை பெருநகர காவல் துறையில் சிறப்பாக பணியாற்றும் பணியாளர்களுக்கு அவர்களது நற்பணியை பாராட்டும் விதமாக தினசரி வழங்கப்படும் பாராட்டு சான்றிதழ்களுடன் உரிய வெகுமதியும் வழங்கி ஊக்குவிக்கப்படுகிறது. கூடுதலாக ஒவ்வொரு மாதமும் கூடுதல் காவல் ஆணையாளர் தலைமையிடம், தலைமையிலான குழு சென்னை பெருநகர காவல்துறையில் சிறப்பான மற்றும் மெச்சத்தக்க பணி செய்யும் காவல் பணியாளர்களை கண்டறிந்து அவர்களது பணியினை மதிப்பிட்டு மாதத்தின் நட்சத்திர காவலர் என்ற விருதை வழங்க உத்தேசிக்கப்பட்டுள்ளது.

‘மாதத்தின் நட்சத்திர காவலர்’ என்ற விருதை பெற தேர்ந்தெடுக்கப்படும் காவல் பணியாளர்களுக்கு ஒவ்வொரு மாதமும் 5ம் தேதி ரூ5 ஆயிரம் பண வெகுமதியுடன் தனிப்பட்ட செயல்திறன் பாராட்டு சான்றிதழ் வழங்கி கவுரவிக்கப்படும். எனவே, காவல் ஆளினர்கள் மெச்சத் தகுந்த பணிபுரிந்து அதன் விவரத்தை தங்கள் துணை ஆணையாளர் மூலமாக கூடுதல் காவல் ஆணையருக்கு தெரிவித்து மாதத்தின் நட்சத்திர காவலர் விருதினை பெறும் வகையில் தங்கள் பணியினை சிறப்பாக செய்யுமாறு கேட்டுக்கொள்கிறேன். இந்த தகவல் அனைத்து காவல் ஆளினர்களுக்கும் வாட்ஸ் அப் மூலம் சென்றடைவதை மாவட்ட, சிறப்புப் பிரிவு ஒருங்கிணைப்பு ஆய்வாளர்கள், மாவட்டத்தில் உள்ள காவல் நிலைய, சிறப்புப் பிரிவு காவல் நிலைய அதிகாரிகள் உறுதி செய்ய வேண்டும்.

மேலும் செய்திகள்

Like Us on Facebook Dinkaran Daily News
  • bulgaria-24

    பல்கேரியாவில் பயணிகள் பேருந்தில் தீ விபத்து!: 12 குழந்தைகள் உட்பட 45 பேர் தீயில் கருகி உயிரிழப்பு..!!

  • murasoli-23

    ‘கலைஞரின் மனசாட்சி’முரசொலி மாறனின் 18ம் ஆண்டு நினைவு தினம்!: திருவுருவ படத்திற்கு திமுகவினர் மலர்தூவி மரியாதை..!!

  • selem-gas-23

    சேலத்தில் கேஸ் சிலிண்டர் வெடித்து விபத்து: 4 வீடுகள் தரைமட்டம்...இடிபாடுகளில் சிக்கி 5 பேர் உயிரிழப்பு..!!

  • andhra-flood-22

    ஆந்திராவில் கொட்டித்தீர்த்த கனமழை!: வெள்ளக்காடாக காட்சியளிக்கும் குடியிருப்புகள்...இடுப்பளவு தண்ணீரில் அல்லல்படும் மக்கள்..!!

  • tajmahal-love

    தாஜ்மஹால் போன்றே வீடு...வாழும் ஷாஜகானின் காதல் பரிசால் திக்குமுக்காடிப்போன மனைவி..!!

படங்கள் வீடியோ கல்வி சினிமா ஜோ‌திட‌ம்