SUN குழுமத்திலிருந்து வெளிவரும் காலை நாளிதழ்

பெயர், சின்னத்துக்கு ஒப்புதல் கோரி விண்ணப்பம் புதிய கட்சி தொடங்குகிறேன்: அமரீந்தர் சிங் அதிகாரப்பூர்வ அறிவிப்பு

2021-10-28@ 00:28:50

சண்டிகர்: பஞ்சாப் முன்னாள் முதல்வர் அமரீந்தர் சிங் புதிய கட்சி தொடங்குவதை நேற்று அதிகாரப்பூர்வமாக அறிவித்தார். கட்சியின் பெயர், சின்னத்துக்கு ஒப்புதல் கோரி, தேர்தல் ஆணையத்திடம் அவர் விண்ணப்பித்துள்ளார். பஞ்சாப் மாநில முதல்வராக இருந்த அமரீந்தர் சிங், உட்கட்சி பூசலால் பதவியை ராஜினாமா செய்தார். காங்கிரஸ் கட்சியில் இருந்தும் விலகுவதாக அறிவித்தார். இந்நிலையில், சண்டிகரில் நேற்று அவர் பத்திரிக்கையாளர் சந்திப்புக்கு ஏற்பாடு செய்தார்.

அப்போது அவர் கூறுகையில், ‘‘நான் புதிய கட்சியை தொடங்குகிறேன். ஆனால், கட்சியின் பெயரை இப்போது கூற மாட்டேன். எனது கட்சியின் பெயர், சின்னத்துக்கு அங்கீகாரம் கோரி தேர்தல் ஆணையத்திடம் விண்ணப்பித்து இருக்கிறேன். அதற்கு ஒப்புதல் கிடைத்ததும் விவரங்களை வெளியிடுவேன். பஞ்சாப்பில் உள்ள 117 சட்டப்பேரவை தொகுதிகளிலும் தனித்து போட்டியிடுவோம் அல்லது தொகுதி பங்கீடு செய்து  போட்டியிடுவோம். அது பற்றி நேரம் வரும் போது அறிவிக்கப்படும்,’’ என்றார். பஞ்சாப்பில் அடுத்தாண்டு சட்டப்பேரவை தேர்தல் நடைபெற உள்ள நிலையில், காங்கிரசுக்கு எதிராக அமரீந்தர் சிங் புதிய கட்சி தொடங்குவது பரபரப்பை ஏற்படுத்தி உள்ளது.

* சித்துவுக்கு மூளை இல்லை
அமரீந்தர் தனது பேட்டியில் மேலும் கூறுகையில், ‘‘நவ்ஜோத் சிங் சித்துவுக்கு ஒன்றும் தெரியாது. அவர் மூளை இல்லாதவர். பஞ்சாப்பின் பாதுகாப்பு அம்சங்கள் தொடர்பாக, காங்கிரசில் உள்ள எதிர்ப்பாளர்கள் என்னை கிண்டல் செய்கிறார்கள். ராணுவத்தில் நான் 10 ஆண்டுகள் பணியாற்றி இருக்கிறேன். பஞ்சாப் உள்துறை அமைச்சராக 9.5 ஆண்டுகள் இருந்திருக்கிறேன். பஞ்சாப் உள்துறை அமைச்சராக ஒரு மாதம் இருந்தவர்களை விட, பாதுகாப்பின் அடிப்படை அம்சங்கள் என்ன என்பது எனக்கு அதிகமாக தெரியும்,’’ என்றார்.

* அமித்ஷாவுடன் இன்று சந்திப்பு
‘ஒன்றிய உள்துறை அமைச்சர் அமித்ஷாவை 20 முதல் 30 பேர் கொண்ட குழுவுடன் சென்று நாளை (இன்று) சந்திக்கிறேன். அப்போது, ஒன்றிய வேளாண் சட்டங்களுக்கு எதிராக விவசாயிகள் கடந்த ஓராண்டாக நடத்தி வரும் போராட்டம் பற்றியும், காங்கிரஸ், ஆம் ஆத்மி, சிரோமணி அகாலி தளம் கட்சிகளை தோற்கடிப்பது குறித்தும் அமித்ஷாவிடம் பேசுவேன்,’ என்றும் அமரீந்தர் சிங் கூறினார்.

மேலும் செய்திகள்

Like Us on Facebook Dinkaran Daily News
  • erode-dmk-votes-2

    அனல் பறக்கும் ஈரோடு கிழக்கு தொகுதி இடைத்தேர்தல் களம்: திமுக அமைச்சர்கள் வீடு வீடாக சென்று தீவிர வாக்கு சேகரிப்பு..!!

  • scotland-bonfire-festival

    ஸ்காட்லாந்தில் பாரம்பரிய நெருப்புத் திருவிழா கோலாகலம்: முதல் முறையாக தீப்பந்தம் ஏந்தியவாறு பேரணி

  • stalin-corp-31

    மழை, வெள்ள காலங்களில் சிறப்பாக பணியாற்றிய மாநகராட்சி பணியாளர்களுக்கு பாராட்டு சான்றிதழ்: முதல்வர் மு.க.ஸ்டாலின் வழங்கினார்

  • long-whale-newyork

    35 அடி நீளம்: நியூயார்க் ரிடோ கடற்கரையில் இறந்தநிலையில் கரை ஒதுங்கிய பிரமாண்ட திமிங்கலம்

  • pak-blast-30

    பாகிஸ்தான் மசூதியில் பயங்கர குண்டுவெடிப்பு!: 28 பேர் உடல் சிதறி பலி, 150 பேர் படுகாயம்..!!

படங்கள் வீடியோ கல்வி சினிமா ஜோ‌திட‌ம்