SUN குழுமத்திலிருந்து வெளிவரும் காலை நாளிதழ்

சேலம் அருகே கள்ளநோட்டு கும்பல் கைது: ஜெராக்ஸ் மெஷின், 3 டூவீலர்கள் பறிமுதல்

2021-10-26@ 00:11:41

இளம்பிள்ளை: சேலம் மாவட்டம், இளம்பிள்ளை அருகே தப்பக்குட்டை பகுதியில், நேற்று முன்தினம் போலீசார் ரோந்து பணியில் ஈடுபட்டனர். அப்போது அவ்வழியே வந்த ஒருவர், போலீசாரை கண்டவுடன் ஓடி உள்ளார். அவரை விரட்டி பிடித்து விசாரணை செய்ததில், அவரிடம் இருந்த பையில், கள்ளநோட்டுகள் இருந்தது தெரியவந்தது. இதையடுத்து, அவரை மகுடஞ்சாவடி போலீஸ் ஸ்டேஷனுக்கு அழைத்து சென்று விசாரணை நடத்தினர். இதில் அவர் தப்பக்குட்டை பகுதியை சேர்ந்த பொன்னுவேல் (52) என்பதும், அவரும் மாட்டையாம்பட்டியை சேர்ந்த சதீஷ்(30), சங்ககிரி ஒலக்கசின்னனூர் சின்னத்தம்பி(29) ஆகியோரும் சேர்ந்து, கள்ள நோட்டுகளை புழக்கத்தில் விட்டதும் தெரியவந்தது.

இதையடுத்து அவர்கள் மூவரையும் கைது செய்த போலீசார், கலர் ஜெராக்ஸ் மெஷின், 3 டூவீலர்கள், 1,42,600 மதிப்பிலான கள்ளநோட்டுகள் உள்ளிட்டவற்றை பறிமுதல் செய்தனர். இவர்கள் பல இடங்களில் உள்ள வாரச்சந்தைகளிலும், மளிகை கடை, டீக்கடைகள் மற்றும் ஜவுளி கடைகளிலும் 200, 500 கள்ள நோட்டுகளை புழக்கத்தில் விட்டது தெரியவந்துள்ளது. இதனையடுத்து, 3 பேரையும் சங்ககிரி நீதிமன்றத்தில் ஆஜர்படுத்திய போலீசார், ஆத்தூர் சிறையில் அடைத்தனர்.

மேலும் செய்திகள்

Like Us on Facebook Dinkaran Daily News
  • bulgaria-24

    பல்கேரியாவில் பயணிகள் பேருந்தில் தீ விபத்து!: 12 குழந்தைகள் உட்பட 45 பேர் தீயில் கருகி உயிரிழப்பு..!!

  • murasoli-23

    ‘கலைஞரின் மனசாட்சி’முரசொலி மாறனின் 18ம் ஆண்டு நினைவு தினம்!: திருவுருவ படத்திற்கு திமுகவினர் மலர்தூவி மரியாதை..!!

  • selem-gas-23

    சேலத்தில் கேஸ் சிலிண்டர் வெடித்து விபத்து: 4 வீடுகள் தரைமட்டம்...இடிபாடுகளில் சிக்கி 5 பேர் உயிரிழப்பு..!!

  • andhra-flood-22

    ஆந்திராவில் கொட்டித்தீர்த்த கனமழை!: வெள்ளக்காடாக காட்சியளிக்கும் குடியிருப்புகள்...இடுப்பளவு தண்ணீரில் அல்லல்படும் மக்கள்..!!

  • tajmahal-love

    தாஜ்மஹால் போன்றே வீடு...வாழும் ஷாஜகானின் காதல் பரிசால் திக்குமுக்காடிப்போன மனைவி..!!

படங்கள் வீடியோ கல்வி சினிமா ஜோ‌திட‌ம்