SUN குழுமத்திலிருந்து வெளிவரும் காலை நாளிதழ்

Dinakaran Daily news

ஆந்திராவில் ஆளும் கட்சியினர் தாக்குதல் விவகாரம் சந்திரபாபு 36 மணி நேர உண்ணாவிரதம் நிறைவு: அமித்ஷாவுடன் இன்று சந்திப்பு

2021-10-23@ 00:25:45

திருமலை: ஆந்திராவில் ஆளும் கட்சியினர் தாக்குதலை கண்டித்து சந்திரபாபுவின் 36 மணிநேர உண்ணாவிரதம் நிைறவடைந்தது. தொடர்ந்து இன்று உள்துறை அமைச்சர் அமித்ஷாவை சந்திக்கிறார்.ஆந்திராவில் போதை மருந்து, கஞ்சா விற்பனை அமோகமாக நடந்து வருவதாகவும், இதற்கு முதல்வர் ஜெகன் மோகன் தலைமையிலான அரசு தான் காரணம் என்றும் தெலுங்கு தேச கட்சியின் தேசிய செய்தி தொடர்பாளர் பட்டாபிராம் கடந்த 2 நாட்களுக்கு முன்பு குற்றம்சாட்டினார்.

இதனால் ஆத்திரமடைந்த ஒய்எஸ்ஆர் கட்சியினர் சுமார் 100க்கும் மேற்பட்டோர் திரண்டு சென்று பட்டாபிராமின் வீடு, கட்சி அலுவலகம் மற்றும் பொருட்களை அடித்து நொறுக்கி சூறையாடினர். இதேபோன்று மாநிலம் முழுவதும் உள்ள தெலுங்கு தேச கட்சி நிர்வாகிகளின் வீடு, அலுவலகங்கள் சேதப்படுத்தப்பட்டது. இதை கண்டித்து தெலுங்கு தேச கட்சியின் தலைவரும், முன்னாள் முதல்வருமான சந்திரபாபு நேற்றுமுன்தினம் காலை மங்களகிரியில் உள்ள தெலுங்கு தேச கட்சி தலைமை அலுவலகத்தில் 36 மணி நேர தொடர் உண்ணாவிரதத்தை தொடங்கினார். நேற்றிரவு 8 மணியளவில் அவரது உண்ணாவிரதத்தை நிறைவு செய்தார்.

உண்ணாவிரதத்தின்போது அவருடன் கட்சியின் முக்கிய நிர்வாகிகள் பலரும் கலந்து கொண்டனர். தொடர்ந்து, இன்று காலை சந்திரபாபு டெல்லி சென்று உள்துறை அமைச்சர் அமித்ஷாவை சந்திக்க திட்டமிட்டுள்ளார். அப்போது ஆந்திராவில் கஞ்சா விற்பனையின் அதீத வளர்ச்சி, இதனை கண்டுகொள்ளாத மாநில அரசு மற்றும் தட்டிக்கேட்ட தெலுங்கு தேச கட்சி நிர்வாகிகளின் வீடு, கட்சி அலுவலகங்கள் சூறையாடப்பட்டது உள்ளிட்டவை தொடர்பாக சில ஆதாரங்களை சமர்பிக்க உள்ளதாக தகவல் வெளியாகியுள்ளது.

மேலும் செய்திகள்

Dinakaran Daily news
Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்