SUN குழுமத்திலிருந்து வெளிவரும் காலை நாளிதழ்

ரூ50 கோடி கேட்டு ஷெர்லின் மீது ஷில்பா ஷெட்டி மானநஷ்ட வழக்கு

2021-10-21@ 02:33:15

சென்னை: ஆபாச படங்கள் தயாரித்து, அவற்றை செல்போன் ஆப்ஸ் மூலம் பதிவேற்றிய புகாரில், பாலிவுட் நடிகை ஷில்பா ஷெட்டியின் கணவர் ராஜ் குந்த்ரா கைது செய்யப்பட்டார். சமீபத்தில் அவர் ஜாமீனில் வெளியே வந்துள்ளார். அவர் மீது நடிகை ஷெர்லின் சோப்ரா கடந்த சில மாதங்களுக்கு முன்பு பாலியல் புகார் கூறியிருந்தார். இதையடுத்து ராஜ் குந்த்ரா மீது வழக்குப்பதிவு செய்யப்பட்டது. பிறகு ராஜ் குந்த்ராவின் தொடர் மிரட்டலால் ஷெர்லின் சோப்ரா தனது வழக்கை திரும்ப பெற்றுக்கொண்டதாக கூறப்பட்டது.

இந்நிலையில், கடந்த சில நாட்களுக்கு முன்பு ஜூஹூ காவல் நிலையத்தில் ஷில்பா ஷெட்டி, ராஜ் குந்த்ரா மீது மீண்டும் ஷெர்லின் சோப்ரா கொலை மிரட்டல் புகார் கொடுத்தார். இதையடுத்து ஷில்பா ஷெட்டி, ராஜ் குந்த்ரா ஆகியோர் ஷெர்லின் சோப்ராவுக்கு  எதிராக 50 கோடி ரூபாய் கேட்டு, வழக்கறிஞர் மூலம் மானநஷ்ட நோட்டீஸ் அனுப்பியுள்ளனர். அதில், ‘பணம் பறிப்பதற்கான மறைமுக நோக்கத்துடன் ஷில்பா ஷெட்டி, ராஜ் குந்த்ரா மீது அவதூறு பரப்பி வருகிறீர்கள்.

எனவே, பத்திரிகைகள் மற்றும் டிஜிட்டல் மீடியா வாயிலாக 7 நாட்களுக்குள் பொதுமன்னிப்பு கேட்பதுடன், 50 கோடி ரூபாய் இழப்பீடு வழங்க வேண்டும்’ என்று தெரிவிக்கப்பட்டுள்ளது. இச்சம்பவம் பாலிவுட் வட்டாரத்தில் பரபரப்பு ஏற்படுத்தியுள்ளது.

மேலும் செய்திகள்

Like Us on Facebook Dinkaran Daily News
  • om-mathan-kark

    சாதனை படைக்க வயசு தடை இல்லை: எவரெஸ்ட் அடிவாரத்துக்கு நடந்தே சென்று சாதித்த 6 வயது சிறுவனின் சாகச பயணம்..!

  • landslide-colombia

    கொலம்பியாவில் ஏற்பட்ட நிலச்சரிவில் சிக்கி உயிரிழந்தவர்களின் எண்ணிக்கை 33 அதிகரிப்பு..!

  • tirupati-murmu-5

    திருப்பதி ஏழுமலையான் கோவிலில் குடியரசு தலைவர் திரௌபதி முர்மு சுவாமி தரிசனம்..!!

  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

படங்கள் வீடியோ கல்வி சினிமா ஜோ‌திட‌ம்