SUN குழுமத்திலிருந்து வெளிவரும் காலை நாளிதழ்

‘கண்ணில் படுவதையெல்லாம் விற்க முனையக்கூடாது’வரலாற்று ஆவணங்களை ஏலம் விடும் முடிவை கைவிடவேண்டும்: ஒன்றிய அமைச்சருக்கு மதுரை எம்.பி கடிதம்

2021-10-19@ 00:57:34

மதுரை: வரலாற்று ஆவணங்களை ஏலம் விடும் பிரசார் பாரதி அமைப்பின் முடிவை கைவிடுமாறு ஒன்றிய தகவல் ஒளிபரப்புத்துறை அமைச்சர் அனுராக் தாகூருக்கு, சு.வெங்கடேசன் எம்.பி கடிதம் எழுதியுள்ளார். மதுரை மக்களவை தொகுதி எம்.பி சு.வெங்கடேசன், ஒன்றிய தகவல் ஒளிபரப்புத்துறை அமைச்சர் அனுராக் தாகூருக்கு எழுதியுள்ள கடிதம்: தன்னிடம் உள்ள வரலாற்று ஆவணங்களை ஏலம் விடப்போவதாக பிரசார் பாரதி அமைப்பு முடிவெடுத்துள்ளது. இவர்கள் ஏலம் விடப்போகிற ஆவணங்களில் அரசியல் நிர்ணய சபை விவாதங்கள் உள்ளிட்ட இந்திய வரலாற்றின் மகத்தான சாட்சியங்கள் அடங்கும். நிகழ்கால அரசியல் தேவைகளுக்காக வரலாற்றினை சிதைக்க முயலும் எந்தவொரு முயற்சியையும் அனுமதிக்க முடியாது.

இந்திய வரலாற்றின் நிகழ்வுகள் அதன் காலம், சூழல் சாராது தவறாகப் பயன்படுத்தப்பட்டால், அது தேசத்தின் அரசியலை, அமைதியை, சமாதானத்தை எதிர்மறையாக பாதிக்கக்கூடும். இந்த சேமிப்பு ஆவணங்களுக்கு சந்தையில் நல்ல விலையும், தேவையும் இருப்பதால், அதை பணமாக்கப்போவதாக பிரசார் பாரதி அறிவித்துள்ளது. இப்படி தரப்படும் உரிமைகளில் தனி உரிமைகளும் அடக்கம். இது அரசின் நிதிப்பற்றாக்குறையை ஈடுகட்டுவதற்காக பணம் பண்ணும் பிரச்னை அல்ல.  சமூகத்தின் மீது நீண்டகால விளைவுகளை உருவாக்குகிற பிரச்னை. கண்களில் படுவதையெல்லாம் விற்க முனையக்கூடாது. கண்ணும் கருத்துமாய் பாதுகாக்கப்பட வேண்டியது வரலாறு. ஆகவே பிரசார் பாரதியின் முடிவை தடுத்து நிறுத்துமாறு வேண்டுகிறேன். இவ்வாறு அவர் கூறியுள்ளார்.

மேலும் செய்திகள்

Like Us on Facebook Dinkaran Daily News
  • Trichy_Thiruverumbur_Koothappar_Jallikattu

    திருச்சி திருவெறும்பூர் கூத்தப்பர் பகுதி ஜல்லிகட்டு போட்டி: சீறி பாயும் காளைகள்

  • Marinaa

    சென்னை மெரினா கடற்கரை காமராஜர் சாலையில் நேற்று நடைபெற்ற அணிவகுப்பு ஒத்திகை

  • robo-student-scl-20

    நுரையீரல் நோயால் பாதிக்கப்பட்டுள்ள 7 வயது மாணவருக்கு பதிலாக பள்ளிக்கு செல்லும் ரோபோ..!!

  • oil-spill-peru-20

    பெரு நாட்டில் எண்ணெய் கசிவு காரணமாக கடல் பகுதி பாதிப்பு!: தங்க நிறத்தில் ஜொலித்த கடற்கரை கறுப்பு நிறத்தில் காட்சி..!!

  • af-earthquake-19

    ஆப்கனுக்கு மற்றொரு அடி! அடுத்தடுத்து நிகழ்ந்த மிக மோசமான நிலநடுக்கம்...இடிபாடுகளில் சிக்கி 26 பேர் பலி, பலர் படுகாயம்..!!

படங்கள் வீடியோ கல்வி சினிமா ஜோ‌திட‌ம்