SUN குழுமத்திலிருந்து வெளிவரும் காலை நாளிதழ்

திருப்பதி கோயிலில் இன்று பிரம்மோற்சவ 7ம் நாள்: சூரிய பிரபை வாகனத்தில் எழுந்தருளிய மலையப்ப சுவாமி

2021-10-13@ 14:31:38

திருமலை: திருப்பதி ஏழுமலையான் கோயில் வருடாந்திர பிரம்மோற்சவத்தின் 7ம் நாளான இன்று காலை மலையப்பசுவாமி சூரிய பிரபை வாகனத்தில் அருள்பாலித்தார். திருப்பதி ஏழுமலையான் கோயிலில் வருடாந்திர பிரம்மோற்சவம் கடந்த 7ம் தேதி கொடியேற்றத்துடன் தொடங்கியது. தேவி, பூதேவி சமேத மலையப்பசுவாமி நாள்தோறும் காலை, இரவு என பல்வேறு வாகனங்களின் கல்யாண மண்டபத்தில் எழுந்தருளி பக்தர்களுக்கு அருள்பாலித்து வருகின்றனர். கொரோனா பரவல் தடுப்பு நடவடிக்கையாக பிரம்மோற்சவத்தின் 6ம் நாளான நேற்று மாலை தங்க தேரோட்டத்திற்கு மாற்றாக சர்வபூபால வாகனத்தில் தேவி, பூதேவி சமேத மலையப்பசுவாமி அருள்பாலித்தனர்.

இரவு உற்சவத்தில் மலையப்பசுவாமி கஜ வாகனத்தில் எழுந்தருளினார். 7ம் நாளான இன்று காலை மலையப்பசுவாமி சூரிய பிரபை வாகனத்தில் கல்யாண மண்டபத்தில் எழுந்தருளினார். ஜீயர்கள் மற்றும் அர்ச்சகர்கள் திவ்ய பிரபந்தம் மற்றும் பாராயணம் பாடி சிறப்பு பூஜைகள் செய்தனர். இன்றிரவு உற்சவத்தில் சந்திரபிரபை வாகனத்தில் மலையப்ப சுவாமி அருள் பாலிக்கவுள்ளார். 8ம் நாளான நாளை காலை தேரோட்டத்திற்கு பதிலாக சர்வபூபால வாகனத்தில் தேவி, பூதேவி தாயார்களுடன் மலையப்ப சுவாமி எழுந்தருள்கிறார். மாலையில் குதிரை வாகனத்தில் எழுந்தருள்கிறார். நாளை மறுநாள் காலை தீர்த்தவாரி கோயிலில் உள்ள ஐயன மண்டபத்தில் பக்தர்களின்றி நடைபெறும். மாலை கொடியிறக்கத்துடன் பிரம்மோற்சவம் நிறைவு பெறுகிறது.

மேலும் செய்திகள்

Like Us on Facebook Dinkaran Daily News
  • farmer-rail-18

    லக்கிம்பூர் படுகொலைக்கு நீதிகேட்டு வடமாவட்டங்களில் விவசாயிகள் ரயில் மறியல் போராட்டம்...ஸ்தம்பித்த ரயில் போக்குவரத்து..!!

  • draw-18

    அழகிய வண்ண ஓவியங்களால் அலங்கரிக்கப்பட்டுள்ள சென்னை..!!

  • kerlaaeaa1

    த(க)ண்ணீரில் கதிகலங்கும் கடவுளின் தேசம் : வெள்ளம், நிலச்சரிவால் 35 பேர் பலி!!

  • Goamuseummm1

    கோவாவில் மதுபானங்களுக்கு தனி மியூசியம்.. ஆதிகாலம் முதல் தொடரும் மதுவின் வரலாற்றை அறியலாம்!!

  • wildfire-13

    கலிபோர்னியாவில் வேகமாக பரவும் காட்டுத்தீ!: 13,400 ஏக்கர் காடுகள் தீயில் கருகி நாசம்..!!

படங்கள் வீடியோ கல்வி சினிமா ஜோ‌திட‌ம்