SUN குழுமத்திலிருந்து வெளிவரும் காலை நாளிதழ்

மெரினா கடலில் குளிக்க தடை: மீறினால் சட்டப்படி நடவடிக்கை

2021-10-11@ 00:04:04

சென்னை: கடலில் இறங்கி குளிக்கவோ விளையாடவோ கூடாது. காவல்துறையின் அறிவுரையை மீறி இறங்கி விளையாடும் குளிக்கும் நபர்கள் மீது சட்ட நடவடிக்கை எடுக்கப்படும் என்று போலீசார் எச்சரிக்கை விடுத்துள்ளனர்.  சென்னை, மெரினா கடலில் குளிக்கும்போது அலையில் சிக்கி தொடர்ந்து உயிரிழந்து வருகின்றனர். இதனால் கடலில் இறங்கி குளிப்பதற்கு தடை விதிக்கப்பட்ட நிலையில் போலீசாரும் பாதுகாப்பு பணியில் ஈடுபட்டு வருகின்றனர். இந்நிலையில் இது தொடர்பாக உதவி கமி‌ஷனர் பாஸ்கர் ஆடியோ ஒன்றை வெளியிட்டுள்ளார் அதில் : சென்னை பெருநகர காவல் துறை, சென்னை மெரினா கடற்கரைக்கு வந்து செல்லும் பொதுமக்களுக்கு காவல்துறையின் வேண்டுகோள்; இப்பகுதி கடல் ஆழமான பகுதி ஆகும். கடல் அலையின் வேகமும் சீற்றமும் வேகமாக உள்ளது.

இப்பகுதியில் ஏற்படும் திடீர் சுழல் அலைகள், கடலில் இறங்கி விளையாடுபவர்கள் குளிப்பவர்களை இழுத்துச் செல்கிறது. இளைஞர்கள் சிலர் நீச்சல் அறிந்தவர்களும் அறியாதவர்களும் இறங்கி விளையாடி உயிர் இழந்துள்ளனர். மேலும் குழந்தைகளை மகிழ்ச்சிக்காக இறங்கி விளையாட அனுமதிக்காதீர்.பெற்றோர்களே, பொதுமக்களே எச்சரிக்கை. உயிர் போக வாய்ப்பு இருப்பதால் குழந்தைகளை இழக்காதீர். அவசர அழைப்புக்கு 9498100024 என்ற எண்ணை தொடர்பு கொள்ளுங்கள். தயவு செய்து யாரும் கடலில் இறங்கி குளிக்கவோ விளையாடவோ வேண்டாம் என  எச்சரிக்கிறோம். காவல்துறை அறிவுரையை மீறி இறங்கி விளையாடும்; குளிக்கும் நபர்கள் மீது சட்ட நடவடிக்கை எடுக்கப்படும். கடலில் இறங்காதீர்கள் அலையில் சிக்கி உயிர் இழக்காதீர். கடல் அலையில் விளையாட்டு வேண்டாம் இளைஞர்களே அலைகளின் தாக்கம் கொடூரமானது. இவ்வாறு அவர் தெரிவித்துள்ளார்.

மேலும் செய்திகள்

Like Us on Facebook Dinkaran Daily News
  • ooty_flower

    பூத்துக்குலுங்கும் வண்ண மலர்களோடு இன்று தொடங்கியது உதகை மலர் கண்காட்சி..!!

  • bharat111

    சென்னை ஐசிஎப் தொழிற்சாலையில் வந்தே பாரத் ரயில் பணிகள் : ஒன்றிய அமைச்சர் அஸ்வினி வைஷ்ணவ் ஆய்வு

  • charles_kameela

    3 நாள் சுற்றுப்பயணமாக இளவரசர் சார்லஸ்- கமிலா தம்பதி கனடா வருகை

  • arungatchimmaa1

    சர்வதேச அருங்காட்சியக தினம் : நாடு முழுவதும் உள்ள அருங்காட்சியங்களில் குவிந்த மக்கள்!!

  • porkappal1

    முற்றிலும் இந்தியாவில் தயாரிக்கப்பட்ட 2 போர்க்கப்பல்களை நாட்டுக்கு அர்ப்பணித்தார் ராஜ்நாத்சிங்

படங்கள் வீடியோ கல்வி சினிமா ஜோ‌திட‌ம்