SUN குழுமத்திலிருந்து வெளிவரும் காலை நாளிதழ்

இஸ்லாம் பற்றி அவதூறு பேச்சு சாமியார் மீது குண்டாஸ் பாய்ந்தது

2021-10-02@ 05:04:43

புழல்: புழல் அடுத்த புத்தாகரம் பகுதியை சேர்ந்தவர் சிவகுமார் (48). இவர், அதே பகுதியில் ‘யோகா குடில்’ எனும் பெயரில் ஆசிரமம் நடத்தி வந்தார். கடந்த 5 மாதங்களுக்கு முன் இந்துக்களின் மந்திரமான திருச்சிற்றம்பலத்தை தவறாக சித்தரித்து, தனது வலைதளப்பக்கத்தில் சிவகுமார் பதிவிட்டிருந்தார். இதுகுறித்து தமிழகத்தின் பல்வேறு காவல் நிலையங்களில் சிவாச்சாரியார்கள் புகார் அளித்தனர். இதேபோல் புழல் போலீசிலும் புகார் அளிக்கப்பட்டது. இதுகுறித்து போலீசார் வழக்குப்பதிவு செய்து, சிவகுமாரை கைது செய்து நீதிமன்றத்தில் ஆஜர்படுத்தி சிறையில் அடைத்தனர்.

இந்நிலையில், சிறையில் இருந்து வெளிவந்த சிவகுமார், இஸ்லாம் மதம் பற்றி கடந்த வாரம் யூடியூப் சேனலில் அவதூறாக பேசி வெளியிட்டார். புகாரின்பேரில், கடந்த 21ம் தேதி சிவகுமாரை போலீசார் கைது செய்து சிறையில் அடைத்தனர். இதையடுத்து, இஸ்லாம் உள்ளிட்ட பல்வேறு மதங்கள் குறித்து அவதூறு கருத்து வெளியிட்டு, சிறையில் உள்ள சிவகுமாரை குண்டர் தடுப்பு சட்டத்தின் கீழ் சிறையில் அடைக்க புழல் உதவி கமிஷனர் ஆதிமூலம் பரிந்துரை செய்திருந்தார். அதன்படி, சிவகுமாரை குண்டர் சட்டத்தில் அடைக்க நேற்று முன்தினம் சென்னை மாநகர கமிஷனர் சங்கர் ஜிவால் உத்தரவிட்டார். அந்த உத்தரவின் நகல் புழல் சிறை நிர்வாகத்துக்கு வழங்கப்பட்டது. இதையடுத்து, சிவகுமார் குண்டர் சட்டத்தில் ஓராண்டுக்கு சிறையில் அடைக்கப்பட்டார்.

மேலும் செய்திகள்

Like Us on Facebook Dinkaran Daily News
  • nepal_snowfall

    நேபாளத்தில் பனிச்சரிவில் சிக்கி 2 மலையேற்ற வீரர்கள் உயிரிழப்பு; பலர் காயம்

  • italy-first-female

    இத்தாலியில் முதல் பெண் பிரதமராக ஜியோர்ஜியா மெலோனி

  • shooting-russia-school-26

    ரஷ்யாவில் பள்ளி வளாகத்தில் மர்மநபர் நடத்திய துப்பாக்கிச்சூட்டில் 7 சிறுவர்கள் உட்பட 13 பேர் உயிரிழப்பு..!!

  • nia-23-kerala

    பிஎஃப்ஐ இடங்களில் என்ஐஏ சோதனைக்கு கண்டனம்: கேரளாவில் முழு அடைப்பு; வாகன கண்ணாடி உடைப்பு; பெட்ரோல் குண்டு வீச்சு..!!

  • ship-22

    இஸ்ரேல் கடற்கரையில் 1300 ஆண்டுகள் பழமையான கப்பல் கண்டுபிடிப்பு..!!

படங்கள் வீடியோ கல்வி சினிமா ஜோ‌திட‌ம்