SUN குழுமத்திலிருந்து வெளிவரும் காலை நாளிதழ்

பவானிப்பூர் தேர்தலுக்கு தடை விதிக்க முடியாது: கொல்கத்தா உயர் நீதிமன்றம் அறிவிப்பு

2021-09-29@ 00:43:53

கொல்கத்தா: மேற்கு வங்க சட்டப்பேரவை பவானிப்பூர் தொகுதி  திரிணாமுல் எம்எல்ஏ ராஜினாமா செய்ததால் அந்த தொகுதி காலியானதாக அறிவிக்கப்பட்டது. இந்த தொகுதிக்கு உடனடியாக இடைத்தேர்தல் நடத்தும்படி தலைமை தேர்தல் ஆணையத்துக்கு இம்மாநில தலைமை செயலாளர் திவேதி கடிதம் எழுதினார். இதை ஏற்று, செப்டம்பர் 30ம் தேதி இத்தொகுதிக்கு இடைத்தேர்தல் நடைபெறும் என தேர்தல் ஆணையம் அறிவித்தது சர்ச்சையை ஏற்படுத்தியது. இந்த தேர்தலுக்கு தடை விதிக்கும்படி கொல்கத்தா உயர் நீதிமன்றத்தில் பயான் சின்கா என்பவர் பொதுநலன் வழக்கு தொடர்ந்தார்.

பொறுப்பு தலைமை நீதிபதி ராஜேஷ் பிண்டால், நீதிபதி ராஜஸ்ரீ பரத்வாஜ் அமர்வில் நேற்று இந்த வழக்கு விசாரணைக்கு வந்தது. அப்போது நீதிபதிகள் பிறப்பித்த உத்தரவில், ‘தலைமை செயலாளர் தனது பதவியை காட்டிலும் அதிகாரத்தில் இருக்கும் அரசியல் கட்சியின் ஊழியராக தன்னை முன்னிறுத்தி கொண்டதற்கு கண்டனம் தெரிவிக்கிறோம். யாரோ ஒருவர் அந்த தொகுதியில் வெற்றி பெற வேண்டும் என்பதற்காக ராஜினாமா செய்கிறார்கள். இந்த தேர்தலுக்கான செலவை யார் ஏற்பார்கள்? நாளை தேர்தல் நடைபெற உள்ளநிலையில், பவானிப்பூர் இடைத்தேர்தல் நடத்துவதற்கு தடை விதிக்க முடியாது,’ என்று நீதிபதிகள் அறிவித்தனர்.

மேலும் செய்திகள்

Like Us on Facebook Dinkaran Daily News
  • robo-teacher-2

    இனி டீச்சர்னா பயம் கிடையாது: பாலஸ்தீனத்தில் ஆசிரியராக களமிறக்கப்பட்டுள்ள ரோபோட்...நட்பு பாராட்டும் மாணவர்கள்..!!

  • dog-police-2

    சென்னை எழும்பூர் காவல் அருங்காட்சியகத்தில் மோப்ப நாய்களின் சாகச நிகழ்ச்சி: ஆர்வமுடன் கண்டு ரசிக்கும் பள்ளி மாணவர்கள்...கை குலுக்கி உற்சாகம்..!!

  • MKStalin_Inspectetd_Thoothukudi

    தூத்துக்குடி மாவட்டத்தில் மழையால் ஏற்பட்ட பாதிப்புகளை நேரில் ஆய்வு செய்தார் தமிழ்நாடு முதலமைச்சர் மு.க.ஸ்டாலின்

  • IncomeTax_Raid_SaravanaStores

    சென்னையில் உள்ள அனைத்து சரவணா ஸ்டோரிஸ் கடைகளில் வருமான வரித்துறை சோதனை

  • Landslide_Tirupati

    திருப்பதி ஏழுமலையான் கோவிலுக்கு செல்லும் மலைப்பாதையில் மண்சரிவு

படங்கள் வீடியோ கல்வி சினிமா ஜோ‌திட‌ம்