SUN குழுமத்திலிருந்து வெளிவரும் காலை நாளிதழ்

சென்னையில் தனியார் ரியல் எஸ்டேட் நிறுவனத்திற்கு சொந்தமான 10 இடங்களில் அமலாக்கத்துறை அதிரடி சோதனை..!!

2021-09-28@ 12:49:25

சென்னை: சென்னையில் தொழிலதிபர் தன்ராஜ் கோச்சாருக்கு சொந்தமான 10 இடங்களில் அமலாக்கத்துறை சோதனை நடத்தி வருகிறது. தன்ராஜ் கோச்சாருக்கு சொந்தமான ரியல் எஸ்டேட் நிறுவனம், வீடு, அலுவலகத்தில் சோதனை நடைபெற்று வருகிறது. சென்னை வேப்பேரி, எழும்பூர், பாரிமுனையில் உள்ள என்.எஸ்.சி. போஸ் சாலை உள்பட 10 இடங்களில் அதிகாரிகள் சோதனை நடத்தி வருகின்றனர். வட்டிக்கு பணம் கொடுத்து நிலங்களை அபகரித்ததாக தனியார் நிறுவனம் ஒன்றின் மீது சென்னை மத்திய குற்றப்பிரிவில் 10க்கும் மேற்பட்ட வழக்குகள் நிலுவையில் இருக்கிறது. இதில் பாதிக்கப்பட்டவர்கள் அமலாக்கத்துறையிடம் புகார் அளித்திருந்தார்கள்.

தனியார் நிறுவனம் சட்டவிரோத பணபரிமாற்றத்தில் ஈடுபடுவதாக புகாரில் தெரிவிக்கப்பட்டிருந்தது. இந்த புகாரின் அடிப்படையில் 25க்கும் மேற்பட்ட அமலாக்கத்துறை அதிகாரிகள் சென்னை முழுவதும் 10க்கும் மேற்பட்ட இடங்களில் சோதனை நடத்தி வருகின்றனர். இந்த சோதனையில் பறிமுதல் செய்யப்பட்ட விவரங்கள் இதுவரை தெரிவிக்கப்படவில்லை. தொடர்ந்து சி.ஆர்.பி.எஃப் மற்றும் காவல்துறையினரின் துப்பாக்கி ஏந்திய பாதுகாப்புடன் அதிகாரிகள் சோதனை நடத்தி வருகின்றனர். சோதனைக்கு பின்னர் இதுகுறித்தான தகவல்கள் அளிக்கப்படும் என்று அதிகாரிகள் தரப்பில் தெரிவிக்கப்பட்டிருக்கிறது.

மேலும் செய்திகள்

Like Us on Facebook Dinkaran Daily News
  • robo-teacher-2

    இனி டீச்சர்னா பயம் கிடையாது: பாலஸ்தீனத்தில் ஆசிரியராக களமிறக்கப்பட்டுள்ள ரோபோட்...நட்பு பாராட்டும் மாணவர்கள்..!!

  • dog-police-2

    சென்னை எழும்பூர் காவல் அருங்காட்சியகத்தில் மோப்ப நாய்களின் சாகச நிகழ்ச்சி: ஆர்வமுடன் கண்டு ரசிக்கும் பள்ளி மாணவர்கள்...கை குலுக்கி உற்சாகம்..!!

  • MKStalin_Inspectetd_Thoothukudi

    தூத்துக்குடி மாவட்டத்தில் மழையால் ஏற்பட்ட பாதிப்புகளை நேரில் ஆய்வு செய்தார் தமிழ்நாடு முதலமைச்சர் மு.க.ஸ்டாலின்

  • IncomeTax_Raid_SaravanaStores

    சென்னையில் உள்ள அனைத்து சரவணா ஸ்டோரிஸ் கடைகளில் வருமான வரித்துறை சோதனை

  • Landslide_Tirupati

    திருப்பதி ஏழுமலையான் கோவிலுக்கு செல்லும் மலைப்பாதையில் மண்சரிவு

படங்கள் வீடியோ கல்வி சினிமா ஜோ‌திட‌ம்