SUN குழுமத்திலிருந்து வெளிவரும் காலை நாளிதழ்

நீர்ப்பிடிப்பு பகுதியில் மழை இல்லை; வேகமாக சரிந்து வரும் வைகை அணை நீர்மட்டம்: விவசாயிகள் கவலை

2021-09-27@ 20:19:55

ஆண்டிபட்டி: நீர்ப்பிடிப்பு பகுதியில் மழை இல்லாததால் வைகை அணையின் நீர்மட்டம் வேகமாக சரிந்து வருகிறது. தேனி மாவட்டம், ஆண்டிபட்டி அருகே வைகை அணை அமைந்துள்ளது. கடந்த மாதம் தேனி மாவட்டத்தில் பெய்த மழை காரணமாக 71 அடி உயரமுள்ள வைகை அணை நீர்மட்டம் கடந்த ஜூன் மாதத்தில் 68 அடியாக உயர்ந்தது. இதனையடுத்து வைகை அணையில் இருந்து மதுரை, திண்டுக்கல், சிவகங்கை மாவட்ட முதல்போகம் மற்றும் ஒரு போக பாசனத்திற்காக தண்ணீர் திறக்கப்பட்டது.

தென்மேற்கு பருவமழை கைகொடுக்கும் என்ற நம்பிக்கையில் அணையில் இருந்து கூடுதல் தண்ணீர் பாசனத்திற்காக தண்ணீர் திறக்கப்பட்டது. ஆனால் எதிர்பார்த்த அளவு தென்மேற்கு பருவமழை இந்த ஆண்டு பெய்யவில்லை. இதனால் வைகை அணைக்கான நீர்வரத்து அடியோடு சரிந்தது. முல்லை பெரியாறு அணையில் இருந்து திறக்கப்படும் தண்ணீர் மட்டுமே வைகை அணைக்கு நீர்வரத்தாக உள்ளது. பாசனத்திற்கு திறக்கப்படும் தண்ணீரின் அளவை விட நீர்வரத்து குறைவாக இருப்பதால் வைகை அணையின் நீர்மட்டம் வேகமாக சரிந்து வருகிறது.

கடந்த மாதம் 65 அடியாக இருந்த வைகை அணை நீர்மட்டம் தற்போது 54.30 அடியாக உள்ளது. நீர்ப்பிடிப்பு பகுதிகளில் கடந்த சில வாரங்களாக மழை இல்லாத காரணத்தால் வைகை அணை நீர்மட்டம் மேலும் சரிய வாய்ப்புள்ளது. வைகை அணை நீர்மட்டம் சரிய தொடங்கியுள்ளதால், வைகை அணையை நம்பியுள்ள மக்களும், விவசாயிகளும் கவலை அடைந்துள்ளனர்.

மேலும் செய்திகள்

Like Us on Facebook Dinkaran Daily News
  • sc-maha-24

    மகாராஷ்டிராவில் 1-12ம் வகுப்புகளுக்கு மீண்டும் பள்ளிகள் திறப்பு!: மாணவர்கள் உற்சாகம்

  • jammu-vaccine-24

    கொரோனாவை வெல்லும் பேராயுதம் தடுப்பூசி!: ஜம்மு - காஷ்மீரில் சில்லிடும் குளிரில் சென்று தடுப்பூசி செலுத்தும் சேவகர்கள்..!!

  • republic20222

    டெல்லியில் குடியரசு தினவிழா ஒத்திகை : சிறப்பு படங்கள்

  • Coimbatore jallikattu

    பொங்கல் பண்டிகையை முன்னிட்டு கோவை செட்டிபாளையத்தில் நடந்த ஜல்லிக்கட்டு போட்டி படங்கள்.

  • pipin-statue-21

    குன்னூர் ஹெலிகாப்டர் விபத்தில் உயிரிழந்த பிபின் ராவத்தின் ஐம்பொன் சிலை தயாரிப்பு பணிகள் தீவிரம்..!!

படங்கள் வீடியோ கல்வி சினிமா ஜோ‌திட‌ம்