SUN குழுமத்திலிருந்து வெளிவரும் காலை நாளிதழ்

அதிரடி வேட்டை தொடரும்; கூலிப்படை ஆதிக்கத்திற்கு முற்றுப்புள்ளி வைக்கப்படும்: டிஜிபி சைலேந்திரபாபு உறுதி

2021-09-26@ 02:59:39

நெல்லை: தென்மாவட்டங்களின்  சட்டம் ஒழுங்கு நிலவரம் குறித்து 4 மாவட்ட எஸ்பிக்களுடன் நெல்லை போலீஸ் கமிஷனர் அலுவலகத்தில் தமிழக போலீஸ் டிஜிபி சைலேந்திரபாபு நேற்று மாலை ஆலோசனை நடத்தினார். இதில் தென்மண்டல ஐஜி அன்பு, நெல்லை மாநகர  போலீஸ் கமிஷனர் செந்தாமரை கண்ணன், நெல்லை சரக டிஐஜி பிரவீன்குமார் அபிநபு, எஸ்பிக்கள் நெல்லை மணிவண்ணன், தூத்துக்குடி ஜெயக்குமார், தென்காசி கிருஷ்ணராஜ், கன்னியாகுமரி பத்ரி நாராயணன் உள்ளிட்டோர் கலந்து கொண்டனர்.

முன்னதாக டிஜிபி சைலேந்திரபாபு அளித்த பேட்டி:  தமிழகம் முழுவதும் கடந்த 48 மணி நேரத்தில் போலீசார் அதிரடி சோதனை நடத்தி 2 ஆயிரத்து 512 ரவுடிகளை கைது செய்துள்ளனர். கூலிப்படையினர் மற்றும் பழிக்குப்பழியாக கொலைகளில் ஈடுபடுவதற்கு திட்டமிடும் கும்பலை கண்காணிப்பதற்கும், கைது செய்வதற்கும் மாவட்டங்கள் மற்றும் மாநகரங்களில் தனிப்படைகள் அமைக்கப்பட்டுள்ளன. தனிப்படையினர் அவர்களின் நடவடிக்கைகளை கண்காணித்து வருகின்றனர்.

தமிழகத்தில் கூலிப்படையினரின் ஆதிக்கத்திற்கு முற்றுப்புள்ளி வைக்கப்படும். நெல்லை, திண்டுக்கல் போன்ற மாவட்டங்களில் பழிக்குப்பழியான கொலைகளுக்கு முற்றுப்புள்ளி வைக்கும் விதமாக, இதுபோன்ற  சம்பவங்களில் ஈடுபடக் கூடியவர்கள் மீது குண்டர் தடுப்பு சட்டத்தின் கீழ் நடவடிக்கை எடுக்கப்படும். கொலை வழக்குகளில் கைதானவர்களுக்கு கடுமையான தண்டனை பெற்றுத் தர, நீதிமன்ற விசாரணையை துரிதப்படுத்த தனிப்படை அமைக்கப்படும். போலீசின் அதிரடி வேட்டை தொடரும் என்றார்.

 முன்னதாக மதுரை, திண்டுக்கல், தேனி, சிவகங்கை, ராமநாதபுரம் மற்றும் விருதுநகர் மாவட்ட காவல்துறை உயரதிகாரிகளின் ஆலோசனைக் கூட்டம் மதுரை போலீஸ் கமிஷனர் அலுவலகத்தில் டிஜிபி தலைமையில் நடந்தது.

மேலும் செய்திகள்

Like Us on Facebook Dinkaran Daily News
  • mahaa12

    100 கோடி தடுப்பூசி சாதனை கொண்டாட்டம் : மாமல்லபுரம் கோவில்கள் உள்ளிட்ட100 நினைவுச் சின்னங்கள் மூவர்ணத்தில் ஒளிர்ந்தன!!

  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

படங்கள் வீடியோ கல்வி சினிமா ஜோ‌திட‌ம்