SUN குழுமத்திலிருந்து வெளிவரும் காலை நாளிதழ்

குமரி மாவட்ட கடல் வழியாக திருட்டுத்தனமாக படகில் 20 பேர் இலங்கை தப்பினர்: கியூ பிரிவு போலீஸ் விசாரணை

2021-09-26@ 02:58:03

நாகர்கோவில் : குமரி மாவட்டத்தில் 70 சதவீத கடற்கரை பகுதிகள் மேற்கு கடற்கரையையொட்டி தான் அமைந்துள்ளன. இலங்கைக்கு செல்ல கூடிய மற்றும் அங்கிருந்து திரும்ப கூடிய கப்பல்கள் கூட குமரி கடல் வழியாக செல்வது உண்டு. இதனால் குமரி கடற்கரை பகுதிகள் அதிக பாதுகாப்பு நிறைந்ததாக கருதப்படுகிறது. இந்த நிலையில் கடந்த சில நாட்களுக்கு முன், குளச்சல் துறைமுகம் அருகில் இருந்து ஒரு விசைப்படகில் ஆண்கள், பெண்கள் உள்பட 20 பேர் இலங்கைக்கு திருட்டுத்தனமாக சென்றதாக கூறப்படுகிறது.

தமிழகத்தின் பல்வேறு மாவட்டங்களில் வசித்து வந்த இவர்கள், புரோக்கர்கள் மூலம் ஒருங்கிணைக்கப்பட்டு பின்னர் விசைப்படகில் புறப்பட்டுள்ளனர். மதுரை மற்றும் அதன் சுற்று வட்டார பகுதிகளை சேர்ந்தவர்கள் அதிகளவில் இருந்ததாக கூறப்படுகிறது. தங்களது பயணத்துக்காக குளச்சல் பகுதியை சேர்ந்த ஒருவரிடம் இருந்து குறைந்த விலையில்  பழைய விசைப்படகை வாங்கி உள்ளனர். அதை பழுது நீக்கம் செய்து, பின்னர் மானிய டீசல் உதவியுடன் இவர்கள் புறப்பட்டு சென்றதாக கூறப்படுகிறது.

இது தொடர்பான தகவல் குமரி மாவட்ட கியூ பிரிவு போலீசாருக்கு கிடைத்துள்ளது. குமரி மாவட்டத்தில் கன்னியாகுமரி, நித்திரவிளை அருகே அகதிகள் முகாம்கள் உள்ளன. இங்கிருந்து யாராவது மாயமாகி உள்ளார்களா? என்பது பற்றி விசாரணை நடந்து வருகிறது. படகின் உரிமையாளரை பிடித்து ரகசியமாக போலீசார் விசாரணை நடத்தினர்.

மேலும் செய்திகள்

Like Us on Facebook Dinkaran Daily News
  • mahaa12

    100 கோடி தடுப்பூசி சாதனை கொண்டாட்டம் : மாமல்லபுரம் கோவில்கள் உள்ளிட்ட100 நினைவுச் சின்னங்கள் மூவர்ணத்தில் ஒளிர்ந்தன!!

  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

படங்கள் வீடியோ கல்வி சினிமா ஜோ‌திட‌ம்