SUN குழுமத்திலிருந்து வெளிவரும் காலை நாளிதழ்

பொள்ளாச்சி அருகே தொகுப்பு வீடு இடிந்து விழுந்தது-கணவன், மனைவி உயிர் தப்பினர்

2021-09-25@ 13:35:34

கிணத்துக்கடவு :  பொள்ளாச்சி வடக்கு ஒன்றியம், ஏ. நாகூர் ஊராட்சியில் தொகுப்பு வீடு இடிந்து விழுந்தது. இதில், கணவன், மனைவி இருவரும் அதிர்ஷ்டவசமாக உயிர் தப்பினர்.
கோவை மாவட்டம் பொள்ளாச்சி அடுத்த ஏ.நாகூர் ஊராட்சிக்கு உட்பட்ட ஏ.நாகூர் கிராமத்தில் கடந்த 30 ஆண்டுகளுக்கு முன் 10-க்கும் மேற்பட்ட தொகுப்பு வீடுகள் கட்டப்பட்டன. அந்த  வீடுகளில் அந்தந்த பயனாளிகள் வசித்து வருகின்றனர். இதில், நாகப்பன், மாராள் தம்பதி தொகுப்பு வீட்டில் வசித்து கொண்டு ஆடு மேய்த்து வருகின்றனர்.

இந்நிலையில், வழக்கமாக நேற்று காலை ஆடுகள் மேய்க்க வெளியே சென்று விட்டு, இரவில் வீட்டிற்கு வந்தனர்.  வீட்டு வேலைகளை முடித்த பின்னர் ஆடுகளை பராமரிக்க தம்பதி சென்றனர்.
அப்போது வீட்டின் மேற்கூரை இடிந்து விழுந்தது. இதில் வீட்டில் இருந்த பொருட்கள் சேதமானது. இந்த விபத்தில் அதிர்ஷ்டவசமாக தம்பதி உயிர் தப்பினர்.

இதேபோன்று, பல தொகுப்பு வீடுகளும் சிதலமடைந்துள்ளதால் எந்த நேரத்திலும் இடிந்து விழும் அபாயம் உள்ளது. இதனால், இதில் வசிக்கும் மக்கள் பீதியில் உள்ளனர். தற்போது இடிந்து விழுந்த வீட்டிற்கு பதிலாக புதிய தொகுப்பு வீடு கட்டித்தரவேண்டும். சிதிலமடைந்த வீடுகளை புதுப்பித்து தர வேண்டும் என்று குடியிருப்பு வாசிகள் மற்றும் பொதுமக்கள் கோரிக்கை விடுத்துள்ளனர்.

Like Us on Facebook Dinkaran Daily News
  • sc-maha-24

    மகாராஷ்டிராவில் 1-12ம் வகுப்புகளுக்கு மீண்டும் பள்ளிகள் திறப்பு!: மாணவர்கள் உற்சாகம்

  • jammu-vaccine-24

    கொரோனாவை வெல்லும் பேராயுதம் தடுப்பூசி!: ஜம்மு - காஷ்மீரில் சில்லிடும் குளிரில் சென்று தடுப்பூசி செலுத்தும் சேவகர்கள்..!!

  • republic20222

    டெல்லியில் குடியரசு தினவிழா ஒத்திகை : சிறப்பு படங்கள்

  • Coimbatore jallikattu

    பொங்கல் பண்டிகையை முன்னிட்டு கோவை செட்டிபாளையத்தில் நடந்த ஜல்லிக்கட்டு போட்டி படங்கள்.

  • pipin-statue-21

    குன்னூர் ஹெலிகாப்டர் விபத்தில் உயிரிழந்த பிபின் ராவத்தின் ஐம்பொன் சிலை தயாரிப்பு பணிகள் தீவிரம்..!!

படங்கள் வீடியோ கல்வி சினிமா ஜோ‌திட‌ம்