SUN குழுமத்திலிருந்து வெளிவரும் காலை நாளிதழ்

மாவட்டத்தில் முதல் முறையாக புதுமாவிளங்கை கிராமத்தில் நடமாடும் நேரடி நெல் கொள்முதல் நிலையம்: கலெக்டர் துவக்கி வைத்தார்

2021-09-25@ 01:20:21

திருவள்ளூர்: கடம்பத்தூர் ஊராட்சி ஒன்றியம், புதுமாவிளங்கை கிராமத்தில் தமிழ்நாடு நுகர்பொருள் வாணிப கழகத்தின் சார்பில், மாவட்டத்தில் முதன் முறையாக நடமாடும் நேரடி நெல் கொள்முதல் நிலையத்தை கலெக்டர் ஆல்பி ஜான் வர்கீஸ் துவக்கி வைத்தார். பின்னர் நெல் கொள்முதல் பணிகளை பார்வையிட்டு, விவசாயிகளுக்கு பனை விதைகளையும், மானிய விலையில் விவசாய இடுபொருட்களையும் வழங்கினார். பின்னர் நெல்மணிகளின் ஈரப்பதம் 17 சதவிகிதத்திற்கு குறைவாக இருப்பதை ஈரப்பதம் அளவிடும் கருவி மூலம் ஆய்வு செய்து உறுதிப்படுத்தினார். பிறகு நடமாடும் நேரடி நெல் கொள்முதல் நிலையத்தில் குப்புவேல் என்ற விவசாயிடமிருந்து 1150 நெல் மூட்டைகள் கொள்முதல் செய்யப்பட்டது.

அப்போது, கலெக்டர் பேசியதாவது, `மாவட்டத்திலுள்ள 1000 நெல் மூட்டைகளுக்கு மேல் அறுவடை செய்யும் பெரிய விவசாயிகள் மண்டல மேலாளர், தமிழ்நாடு நுகர்பொருள் வாணிப கழகத்தினை அணுகி முன்பதிவு செய்யலாம். மண்டல மேலாளரால் கள ஆய்வு செய்த பின்னர், இத்திட்டத்தில் தகுதியுடைய விவசாயிகள் நடமாடும் நேரடி நெல் கொள்முதல் நிலையங்களில் தங்களுடைய நெல் விற்பனையை துவங்கலாம்,’ என தெரிவித்தார். இந்நிகழ்வில், தமிழ்நாடு நுகர்பொருள் வாணிப கழக மண்டல மேலாளர் காஜா ஷாகுல் அமீது, வேளாண்மை இணை இயக்குநர் சம்பத்குமார், கலெக்டரின் நேர்முக உதவியாளர் (வேளாண்மை) எபிநேசர் உள்பட பலர் கலந்துகொண்டனர்.

மேலும் செய்திகள்

Like Us on Facebook Dinkaran Daily News
  • mahaa12

    100 கோடி தடுப்பூசி சாதனை கொண்டாட்டம் : மாமல்லபுரம் கோவில்கள் உள்ளிட்ட100 நினைவுச் சின்னங்கள் மூவர்ணத்தில் ஒளிர்ந்தன!!

  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

படங்கள் வீடியோ கல்வி சினிமா ஜோ‌திட‌ம்