SUN குழுமத்திலிருந்து வெளிவரும் காலை நாளிதழ்

கொலை வழக்கில் சாட்சி சொல்ல வராத இன்ஸ்பெக்டருக்கு பிடிவாரன்ட்: செஷன்ஸ் நீதிமன்றம் உத்தரவு

2021-09-24@ 00:01:22

சென்னை: புதுவண்ணாரப்பேட்டை கொலை வழக்கில் சாட்சி சொல்ல வராத இன்ஸ்பெக்டருக்கு பிடிவாரன்ட் பிறப்பித்து கூடுதல் செஷன்ஸ் நீதிமன்றம் உத்தரவிட்டுள்ளது. புதுவண்ணாரப்பேட்டையை சேர்ந்தவர் அப்துல்கபார். இவரது மகளை, தனக்கு திருமணம் செய்து கொடுக்கும்படி கோவையை சேர்ந்த தனஞ்செயன் என்பவர் கடந்த 2013ம் ஆண்டு கேட்டுள்ளார். அதற்கு அப்துல் கபார் மறுத்ததால் தனஞ்செயன் உள்ளிட்ட 4 பேர் சேர்ந்து, அவரை கத்தியால் குத்தி கொலை செய்ததாக கூறப்படுகிறது. இதுதொடர்பாக 4 பேர் மீதும் புதுவண்ணாரப்பேட்டை போலீசார் வழக்குப்பதிவு செய்தனர். இந்த வழக்கு விசாரணை சென்னை 5வது கூடுதல் செஷன்ஸ் நீதிமன்றத்தில் நடந்து வருகிறது. இந்த வழக்கில் அப்போதைய புது வண்ணாரப்பேட்டை போலீஸ் இன்ஸ்பெக்டர் சாட்சியாக சேர்க்கப்பட்டுள்ளார்.

மேலும் விசாரணை அதிகாரியுமான ராஜசேகரன் (இவர், தற்போது கன்னியாகுமரி மாவட்டம் புதுக்கடை போலீஸ் நிலையத்தில் பணியாற்றி வருகிறார்) ஆஜராக நீதிமன்றம் உத்தரவிட்டிருந்தது. இந்தநிலையில் இந்த வழக்கு நீதிபதி டி.வி.ஆனந்த் முன்னிலையில் மீண்டும் விசாரணைக்கு வந்தது. அப்போது கூடுதல் குற்றவியல் அரசு வக்கீல் ஏ.டி.நாகேந்திரன், ஆஜராகி இன்ஸ்பெக்டர் ராஜசேகரன் பாதுகாப்பு பணியில் இருப்பதால் அவரால் ஆஜராக இயலவில்லை என்றார். அதற்கு நீதிபதி, பலமுறை சம்மன் அனுப்பியும் இன்ஸ்பெக்டர் ராஜசேகரன் ஆஜராகவில்லை. அவர், பாதுகாப்பு பணியில் இருப்பதாக கூறும் காரணத்தை ஏற்க முடியாது எனக்கூறி அவருக்கு பிடிவாரன்ட் பிறப்பித்து, வழக்கு விசாரணையை அக்டோபர் 8ம் தேதிக்கு நீதிபதி தள்ளி வைத்தார்.

மேலும் செய்திகள்

Like Us on Facebook Dinkaran Daily News
  • tamil-mozhi-25

    தமிழுக்காக உயிர்த் தியாகம்!: மொழிப்போர் தியாகிகள் திருவுருவ படத்திற்கு முதல்வர் மு.க.ஸ்டாலின், ஈபிஎஸ் உள்ளிட்டோர் மலர்தூவி மரியாதை..!!

  • kolamnbiaaa_11

    எல்லாமே தலைகீழா இருக்கு!... கொலம்பியாவில் தலைகீழான வீட்டிற்குள் சென்று சுற்றுலா பயணிகள் ஆச்சரியம்!!

  • pandaaa11

    சீனாவின் நடைபெற்ற நிகழ்ச்சியில் காட்சிப்படுத்தப்பட்ட 2021-ல் பிறந்த பாண்டா குட்டிகள்!

  • sc-maha-24

    மகாராஷ்டிராவில் 1-12ம் வகுப்புகளுக்கு மீண்டும் பள்ளிகள் திறப்பு!: மாணவர்கள் உற்சாகம்

  • jammu-vaccine-24

    கொரோனாவை வெல்லும் பேராயுதம் தடுப்பூசி!: ஜம்மு - காஷ்மீரில் சில்லிடும் குளிரில் சென்று தடுப்பூசி செலுத்தும் சேவகர்கள்..!!

படங்கள் வீடியோ கல்வி சினிமா ஜோ‌திட‌ம்