SUN குழுமத்திலிருந்து வெளிவரும் காலை நாளிதழ்

குஜராத் துறைமுகத்தில் சிக்கிய 3000 கிலோ ஹெராயின்!: சட்டவிரோத பணப்பரிமாற்றம் நடந்துள்ளதா?..அமலாக்கத்துறை தீவிர விசாரணை..!!

2021-09-23@ 14:56:52

காந்திநகர்: குஜராத்தில் 3000 கிலோ ஹெராயின் பறிமுதல் செய்யப்பட்டது பற்றி அமலாக்கத்துறை விசாரணை தீவிரமடைந்திருக்கிறது. ஈரானில் இருந்து முந்த்ரா துறைமுகத்திற்கு வந்த கண்டெய்னர்களில் சுமார் 3000 கிலோ எடையுள்ள ஹெராயின் போதைப்பொருள் கடத்தி வரப்பட்டதை அதிகாரிகள் கண்டுபிடித்தனர். இதன் மதிப்பு 21,000 கோடி என்று கணக்கிடப்பட்டிருக்கிறது. இதை தொடர்ந்து வருவாய், புலனாய்வு துறையினரும் போதைப்பொருள் தடுப்பு பிரிவினரும் நடத்திய விசாரணையில் விஜயவாடாவை சேர்ந்த ஆஷிட் ரேடிங் என்ற நிறுவனத்திற்காக இந்த கண்டெய்னர்கள் வந்தது தெரியவந்தது.

சத்யநாராயணபுரத்தில் பேரளவில் இயங்கி வந்த அலுவலகத்தில் மேற்கொண்ட ஆய்வில் நிறுவனத்தின் உரிமையாளர் சென்னை முகவரியில் உள்ள பூர்ணா வைஷாலி என்பதும் தொலைபேசி எண் அவரது கணவர் சுதாகர் பெயரில் இருப்பதும் கண்டுபிடிக்கப்பட்டது. இதையடுத்து சென்னை கொளப்பாக்கத்திற்கு வந்த அதிகாரிகள் இருவரையும் கைது செய்தனர். தற்போது அவர்களிடம் தீவிர விசாரணை நடைபெற்று வருகிறது.

இந்நிலையில் குஜராத்தில் பிடிபட்ட 3,000 கிலோ போதை பொருள் குறித்த விசாரணையை அமலாக்கத்துறையும் தீவிரப்படுத்தி இருக்கிறது. இதில் சட்டவிரோத பணப்பரிமாற்றம் நடந்திருக்கிறதா என்ற கோணத்தில் அமலாக்கத்துறை அதிகாரிகள் விசாரித்து வருகின்றனர். போதைப்பொருள் கடத்தலின் பின்னணியில் இருக்கும் பெரும் புள்ளிகள் யார் யார் என்பது குறித்து வருவாய் புலனாய்வு பிரிவினரும் விசாரணையை தீவிரப்படுத்தியுள்ளனர்.

மேலும் செய்திகள்

Like Us on Facebook Dinkaran Daily News
  • mahaa12

    100 கோடி தடுப்பூசி சாதனை கொண்டாட்டம் : மாமல்லபுரம் கோவில்கள் உள்ளிட்ட100 நினைவுச் சின்னங்கள் மூவர்ணத்தில் ஒளிர்ந்தன!!

  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

படங்கள் வீடியோ கல்வி சினிமா ஜோ‌திட‌ம்