SUN குழுமத்திலிருந்து வெளிவரும் காலை நாளிதழ்

புதிய திட்டப்பணிகள் மேற்கொள்ளப்பட்டு பொலிவு பெறுமா வரதமாநதி அணை?

2021-09-23@ 10:59:22

* சுற்றுலாபயணிகள் எதிர்பார்ப்பு

பழநி : பழநி அருகே வரதமாநதி அணையில் புதிய திட்டப்பணிகள் மேற்கொண்டு பொலிவு பெற வைக்க வேண்டும் என சுற்றுலா பயணிகள் எதிர்பார்க்கின்றனர்.  பழநியில் இருந்து கொடைக்கானல் சாலையில் 8 கிலோமீட்டர் தொலைவில் உள்ளது வரதமாநதி அணை. 1978ம் ஆண்டு கட்டப்பட்ட இந்த அணை 116 மில்லியன் கனஅடி முழு கொள்ளளவும், 66.46 அடி உயரமும் உள்ளதாகும். 3 வாய்க்கால்களும், 18 குளங்களும் இந்த அணையின் மூலம் பாசன வசதி பெறுகின்றன. 5 ஆயிரத்து 523 ஏக்கர் நிலங்கள் இந்த அணையின் மூலம் பாசன வசதி பெறுகின்றன.

கொடைக்கானல் செல்லும் வழித்தடத்தில் இந்த அணை உள்ளது. மேலும், பழநி நகருக்கு அருகில் இருக்கும் அணை என்பதாலும் பழநி கோயிலுக்கு வரும் பக்தர்களும், கொடைக்கானல் செல்லும் சுற்றுலா பயணிகளும் அதிகளவில் இந்த அணைக்கு வந்து செல்கின்றனர். ஆனால், இந்த அணை போதிய அடிப்படை வசதிகளின்றி உள்ளது. பூங்கா பராமரிப்பின்றி சிறுவர் விளையாட்டு உபகரணங்கள் சேதமடைந்து காணப்படுகின்றன. எனவே சுற்றுலா பயணிகளின் நலன்கருதி வரதமாநதி அணையை சீரமைத்து, நவீனப்படுத்த வேண்டுமென பல்வேறு தரப்பினரும் கோரிக்கை விடுத்திருந்தனர்.

இதன் அடிப்படையில் வரதமாநதி அணையில் செய்ய வேண்டிய சுற்றுலா மேம்பாட்டு பணிகளை ஆய்வு செய்து திட்ட மதிப்பீட்டுடன் அறிக்கை சமர்ப்பிக்குமாறு தமிழக அரசின் சிறப்பு செயலாளர் அறிவுறுத்தி இருந்தார். இதன்படி பழநி வரதமாநதி அணையில் ரூ.2.50 கோடி மதிப்பீட்டில் பூங்கா சீரமைப்பு, படகு குழாம், செயற்கை நீரூற்று, இசை நீரூற்று, அலங்கார மின்விளக்குகள், இணைப்பு சாலைகள், கழிப்பிடங்கள், புல்தரைகள் போன்றவை அமைக்க திட்ட மதிப்பீடு தயார் செய்யப்பட்டது.

ஆனால் திட்டம் செயல்படுத்தப்படவில்லை. இந்நிலையில் போதிய புனரமைப்பு பணிகள் மேற்கொள்ளப்படாததால் வரதாமநதி அணை பொலிவிழந்து காணப்படுகிறது. இப்பணிகள் நடந்தால் வரதமாநதி அணைக்கு சுற்றுலா பயணிகள் அதிகளவு வரும் வாய்ப்பு உருவாகி உள்ளது. எனவே, வரதமாநதி அணையை சீரமைக்க வேண்டுமென சுற்றுலா பயணிகள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • robo-teacher-2

    இனி டீச்சர்னா பயம் கிடையாது: பாலஸ்தீனத்தில் ஆசிரியராக களமிறக்கப்பட்டுள்ள ரோபோட்...நட்பு பாராட்டும் மாணவர்கள்..!!

  • dog-police-2

    சென்னை எழும்பூர் காவல் அருங்காட்சியகத்தில் மோப்ப நாய்களின் சாகச நிகழ்ச்சி: ஆர்வமுடன் கண்டு ரசிக்கும் பள்ளி மாணவர்கள்...கை குலுக்கி உற்சாகம்..!!

  • MKStalin_Inspectetd_Thoothukudi

    தூத்துக்குடி மாவட்டத்தில் மழையால் ஏற்பட்ட பாதிப்புகளை நேரில் ஆய்வு செய்தார் தமிழ்நாடு முதலமைச்சர் மு.க.ஸ்டாலின்

  • IncomeTax_Raid_SaravanaStores

    சென்னையில் உள்ள அனைத்து சரவணா ஸ்டோரிஸ் கடைகளில் வருமான வரித்துறை சோதனை

  • Landslide_Tirupati

    திருப்பதி ஏழுமலையான் கோவிலுக்கு செல்லும் மலைப்பாதையில் மண்சரிவு

படங்கள் வீடியோ கல்வி சினிமா ஜோ‌திட‌ம்