SUN குழுமத்திலிருந்து வெளிவரும் காலை நாளிதழ்

ஒன்றிய அரசு பிரமாண பத்திரம் தேசிய பாதுகாப்பு அகாடமியில் அடுத்தாண்டு பெண்கள் சேர்ப்பு

2021-09-22@ 00:51:54

புதுடெல்லி: ‘தேசிய பாதுகாப்பு அகாடமியில் அடுத்தாண்டு முதல் பெண்களும் சேர்க்கப்படுவார்கள், இதற்கான நுழைவுத் தேர்வு அறிவிப்பு மே மாதம் வெளியிடப்படும்,’ என உச்ச நீதிமன்றத்தில் ஒன்றிய அரசு தெரிவித்துள்ளது. ராணுவ உயர் பதவிகளுக்கான ‘தேசிய பாதுகாப்பு அகாடமி’யில் (என்டிஏ) ஆண்கள் மட்டுமே சேர்க்கப்பட்டு வருவதை எதிர்த்து உச்ச நீதிமன்றத்தில் வழக்கு தொடரப்பட்டது. இதை எதிர்த்து குஷ் கால்ரா என்பவர் தொடர்ந்த பொதுநலன் வழக்கை விசாரித்த உச்ச நீதிமன்றம், ‘என்டிஏ.வில் பெண்களையும் சேர்க்க வேண்டும். அதற்கான தகுதித் தேர்வில் பெண்களும் பங்கேற்க அனுமதிக்க வேண்டும்,’ என்று கடந்த மாதம் 19ம் தேதி உத்தரவிட்டது.

இதையடுத்து, ‘தேசிய பாதுகாப்பு அகாடமியில் பெண்களையும் சேர்க்க ஒன்றிய அரசு முடிவு செய்துள்ளது. ஆனால், இந்தாண்டு நடைபெறும் தகுதித் தேர்வில் அவர்களை அனுமதிப்பதில் நடைமுறை சிக்கல்கள் ஏற்படும். இது தொடர்பான புதிய விதிமுறைகளை உருவாக்க அவகாசம் தேவை,’ என்று கடந்த 8ம் தேதி உச்ச நீதிமன்றத்தில் ஒன்றிய அரசு தெரிவித்தது. இந்நிலையில், இந்த வழக்கில் ஒன்றிய அரசு நேற்று புதிய பிரமாணப் பத்திரம் தாக்கல் செய்தது. அதில், ‘அடுத்தாண்டு முதல் (20220 தேசிய பாதுகாப்பு அகாடமியில் பெண்களும் சேர்க்கப்படுவார்கள். இதற்கான நுழைவுத் தேர்வு அறிவிப்பு அடுத்தாண்டு மே மாதம் வெளியிடப்படும். மேலும், தேசிய பாதுகாப்பு அகாடமியில் பெண்களுக்கு பயிற்சி அளிப்பதற்கு ஏற்றப்படி மாற்றங்கள் செய்வதற்காக, பாதுகாப்பு துறை நிபுணர்கள் அடங்கிய குழுவும் அமைக்கப்பட்டுள்ளது,’ என கூறப்பட்டுள்ளது.

மேலும் செய்திகள்

Like Us on Facebook Dinkaran Daily News
  • mahaa12

    100 கோடி தடுப்பூசி சாதனை கொண்டாட்டம் : மாமல்லபுரம் கோவில்கள் உள்ளிட்ட100 நினைவுச் சின்னங்கள் மூவர்ணத்தில் ஒளிர்ந்தன!!

  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

படங்கள் வீடியோ கல்வி சினிமா ஜோ‌திட‌ம்