SUN குழுமத்திலிருந்து வெளிவரும் காலை நாளிதழ்

வெற்றி முனைப்புடன் வரிந்துகட்டுகிறது அமீரகத்தில் ஐதராபாத் உற்சாகம்

2021-09-22@ 00:51:16

துபாய்: ஐபிஎல் டி20 தொடரின் லீக் ஆட்டத்தில்,  டெல்லி கேப்பிடல்ஸ் - சன்ரைசர்ஸ் ஐதராபாத் அணிகள் இன்று மோதுகின்றன. டெல்லி அணி இதுவரை 8 ஆட்டங்களில் விளையாடி 6 வெற்றி, 2 தோல்விகளுடன் 12 புள்ளிகள் பெற்று புள்ளிப் பட்டியலில் 2வது இடத்தில் உள்ளது. சென்னை அணியும் 12 புள்ளிகள் பெற்றுள்ள நிலையில், ரன்ரேட்டில் முன்னிலை வகிப்பதால் முதலிடத்தில் உள்ளது. இந்தியாவில் போட்டி நடந்த வரை டெல்லி அணியே முதல் இடத்தில் இருந்தது. அமீரகத்தில் இன்று தான் முதல் ஆட்டத்தில் களம் காண இருக்கிறது. பன்ட் தலைமையில் தவான், ரகானே, ஸ்மித், மார்கஸ் ஸ்டாய்னிஸ், அக்சர், ரபாடா, நார்ட்ஜே, இஷாந்த் ஆகியோருடன் நம்ம ஊர் ஆல் ரவுண்டர் அஷ்வினும் அணிக்கு வலு சேர்க்கின்றனர்.

வோக்ஸ் விலகியுள்ள நிலையில், காயம் காரணமாக ஓய்வெடுத்து வந்த முன்னாள் கேப்டன் ஷ்ரேயாஸ் மீண்டும் அணிக்கு திரும்பியிருப்பது அதை ஈடு செய்யும். திறமையான வீரர்களை கொண்ட ஐதராபாத் அணி,  இந்தியாவில் நடந்த போட்டிகளில் மோசமாக சொதப்பியது. அந்த அணி 7 ஆட்டங்களில் விளையாடி, ஒரே ஒரு வெற்றியுடன் (2 புள்ளி) புள்ளிப் பட்டியலில் கடைசி இடத்தில் இருக்கிறது. பல ஆட்டங்களில், நூலிழையில் வெற்றி கை நழுவியது ஐதராபாத்துக்கு பின்னடைவை கொடுத்தது. கேன் வில்லியம்சன் தலைமையியிலான அணியில் அதிரடிக்கு பஞ்சமில்லை. பந்துவீச்சு கூட்டணியும் அமர்க்களமாகவே உள்ளது. அதிர்ஷ்ட தேவதையின் ஆசிர்வாதமும் சேர்ந்தால் சன்ரைசர்ஸ் வெற்றிகளைக் குவிப்பது உறுதி.

* நேருக்கு நேர்...
இரு அணிகளும் மோதிய 19 ஆட்டங்களில் ஐதரபாத் 11-8 என முன்னிலை வகிக்கிறது. அதிகபட்சமாக ஐதராபாத் 219 ரன், டெல்லி189 ரன் குவித்துள்ளன. குறைந்தபட்சமாக ஐதராபாத் 116 ரன்னிலும், டெல்லி 80 ரன்னிலும் சுருண்டுள்ளன.
நடப்புத் தொடரில்  ஏப்.25ல் மோதிய 20வது லீக் ஆட்டம் சரிசமனில் முடிந்ததால், சூப்பர் ஓவர் கடைப்பிடிக்கப்பட்டதில்  டெல்லி வெற்றியை வசப்படுத்தியது. கடைசியாக மோதிய 5 ஆட்டங்களில்,  டெல்லி 3-2 என முன்னிலை வகிக்கிறது.

மேலும் செய்திகள்

Like Us on Facebook Dinkaran Daily News
  • robo-teacher-2

    இனி டீச்சர்னா பயம் கிடையாது: பாலஸ்தீனத்தில் ஆசிரியராக களமிறக்கப்பட்டுள்ள ரோபோட்...நட்பு பாராட்டும் மாணவர்கள்..!!

  • dog-police-2

    சென்னை எழும்பூர் காவல் அருங்காட்சியகத்தில் மோப்ப நாய்களின் சாகச நிகழ்ச்சி: ஆர்வமுடன் கண்டு ரசிக்கும் பள்ளி மாணவர்கள்...கை குலுக்கி உற்சாகம்..!!

  • MKStalin_Inspectetd_Thoothukudi

    தூத்துக்குடி மாவட்டத்தில் மழையால் ஏற்பட்ட பாதிப்புகளை நேரில் ஆய்வு செய்தார் தமிழ்நாடு முதலமைச்சர் மு.க.ஸ்டாலின்

  • IncomeTax_Raid_SaravanaStores

    சென்னையில் உள்ள அனைத்து சரவணா ஸ்டோரிஸ் கடைகளில் வருமான வரித்துறை சோதனை

  • Landslide_Tirupati

    திருப்பதி ஏழுமலையான் கோவிலுக்கு செல்லும் மலைப்பாதையில் மண்சரிவு

படங்கள் வீடியோ கல்வி சினிமா ஜோ‌திட‌ம்