SUN குழுமத்திலிருந்து வெளிவரும் காலை நாளிதழ்

மதுரை அருகே பரபரப்பு மின்வாரிய அலுவலகத்தில் உதவி பொறியாளர் தற்கொலை

2021-09-20@ 02:22:39

பேரையூர்: மதுரை அருகே மின்வாரிய அலுவலகத்தில் உதவி மின்பொறியாளர் தூக்குப் போட்டு தற்கொலை செய்து ெகாண்டார். மதுரை மாவட்டம், பேரையூர் தாலுகா, சேடபட்டி அருகே சின்னக்கட்டளையில் மின்வாரிய துணை மின்நிலையம் உள்ளது. இங்கு உதவி மின்பொறியாளராக சின்னச்சாமி (51) பணியாற்றி வந்தார். இவருக்கு நதியா என்ற மனைவி, 22, 18 வயதில் இரு மகள்கள் உள்ளனர். நேற்று முன்தினம் இரவு இப்பகுதியில் அதிகம் மழை பெய்ததால் மின்தடை ஏற்பட்டது. அதனை சரி செய்யும் பணியில் அலுவலகம் வந்து சின்னச்சாமி ஈடுபட்டார்.

இந்நிலையில் அருகில் உள்ள பகுதிகளில் தற்காலிக பணி செய்து வந்த மின் ஊழியர்கள், நேற்று அதிகாலை அலுவலகம் வந்தனர். அப்போது, பூட்டி கிடந்த அலுவலகத்திற்குள் மின்விசிறியில் கயிற்றால் தூக்கிட்டு சின்னச்சாமி பிணமாக தொங்கியதை பார்த்து அதிர்ச்சி அடைந்தனர். தகவலறிந்து சேடபட்டி போலீசார் வந்து கதவை உடைத்து, சின்னச்சாமி உடலை மீட்டடு பிரேத பரிசோதனைக்காக உசிலம்பட்டி அரசு மருத்துவமனைக்கு அனுப்பி வைத்தனர். சின்னச்சாமி, பணிச்சுமையின் காரணமாக தற்கொலை செய்து கொண்டாரா அல்லது குடும்பப் பிரச்னை காரணமா என விசாரித்து வருகின்றனர். இச்சம்பவம், ஊழியர்கள் மத்தியில் பெரும் சோகத்தை ஏற்படுத்தியுள்ளது.

மேலும் செய்திகள்

Like Us on Facebook Dinkaran Daily News
  • Tribute_MKStalin_Pipin Rawat

    முப்படைத் தலைமை தளபதி பிபின் ராவத் உடலுக்கு தமிழ்நாடு முதல்வர் மு.க.ஸ்டாலின் நேரில் அஞ்சலி: வெலிங்டன் மைதானத்தில் இருந்து உடல்கள் சூலூர் புறப்பட்டது

  • BIPIN RAWAT

    முப்படை தலைமை தளபதி பிபின் ராவத் உருவப் படத்திற்கு ஆளுநர் ஆர்.என் ரவி மலர் தூவி அஞ்சலி செலுத்தினர்

  • BlackBox_Helicopter_Coonoor

    குன்னூரில் விபத்துக்குள்ளான ராணுவ ஹெலிகாப்டரின் கருப்பு பெட்டி கண்டெடுப்பு

  • MK Stalin_Wellington_Army officials_helicopter_crash

    வெலிங்டனில் முதலமைச்சர் மு.க.ஸ்டாலின்: ஹெலிகாப்டர் விபத்து குறித்து ராணுவ அதிகாரிகள் விளக்கம்

  • Vaikunda Ekadasi

    பூலோக வைகுண்டத்தில் வைகுண்ட ஏகாதசி பகல்பத்து உற்சவத்தின் 6ம் திருநாள்.

படங்கள் வீடியோ கல்வி சினிமா ஜோ‌திட‌ம்