SUN குழுமத்திலிருந்து வெளிவரும் காலை நாளிதழ்

கோயில்களில் இன்று முதல் பக்தர்கள் அன்னதான கூடங்களில் அமர்ந்து உணவருந்த அனுமதி: அமைச்சர் பி.கே.சேகர்பாபு அறிவிப்பு

2021-09-20@ 00:28:50

சென்னை:  இந்து சமய அறநிலையத்துறை அமைச்சர் சேகர் பாபு வெளியிட்ட அறிக்கை: இந்து சமய அறநிலையத்துறை சார்பில் தமிழகம் முழுவதும் 754 கோயில்களில், தரிசனத்துக்கு வருகை தரும் பக்தர்களுக்கு அன்னதானம் வழங்கப்பட்டு வருகிறது. பழனி தண்டாயுதபாணிசுவாமி கோயில் மற்றும் ஸ்ரீரங்கம் அரங்கநாதசுவாமி கோயில்களில் நாள் முழுதும் அன்னதானம் திட்டம் செயல்பாட்டில் இருந்து வருகிறது. கொரோனா  காரணமாக கோயில்களில் உணவு பொட்டலமாக வழங்கப்பட்டது. இந்த நடைமுறையினை மாற்றி அன்னதானம் கோயில்களில் இன்று முதல் (20.9.2021) வழங்கப்படும்,

அதன்படி, திங்கட்கிழமை முதல் வியாழக்கிழமை வரை அனைத்து அன்னதானம் வழங்கும் கோயில்களிலும் அன்னதானக்கூடங்களில் சமூக இடைவெளியுடன் பக்தர்களுக்கு அன்னதானம் இலையில் பரிமாறப்படும். வெள்ளி, சனி மற்றும் ஞாயிற்றுக்கிழமை ஆகிய நாட்களில் அன்னதானம் உணவுப்பொட்டலங்களாக பக்தர்களுக்கு தொடர்ந்து வழங்கப்படும். இவ்வாறு அதில் கூறப்பட்டுள்ளது.

தாம்பரம் கிஷ்கிந்தா வசம் உள்ள 177 ஏக்கர் நிலம் மீட்கப்படும்
தாம்பரம் கிஷ்கிந்தா வசம் உள்ள 177 ஏக்கர் நிலம், பாப்பாசத்திரம் காசி விஸ்வநாதர் கோயிலுக்கு சொந்தமானது.இந்து சமய அறநிலையத்துறை, வருவாய் துறை மூலம் நிலத்தை திருப்பி ஒப்படைக்கக் கோரி பலமுறை மேல்முறையீடு செய்யப்பட்டுள்ளது. இது குறித்து முதல்வர் விரைவில் நடவடிக்கை எடுப்பார் என்று இந்து சமய அறநிலையத்துறை அமைச்சர் பி.கே.சேகர்பாபு கூறினார்.

மேலும் செய்திகள்

Like Us on Facebook Dinkaran Daily News
  • la-palma-29

    ஆறாக ஓடும் தீக்குழம்பு...நகரையே சிவப்பு நிற போர்வை போர்த்தியது போல் காட்சியளிக்கும் லா பால்மா...!!

  • bulgaria-24

    பல்கேரியாவில் பயணிகள் பேருந்தில் தீ விபத்து!: 12 குழந்தைகள் உட்பட 45 பேர் தீயில் கருகி உயிரிழப்பு..!!

  • murasoli-23

    ‘கலைஞரின் மனசாட்சி’முரசொலி மாறனின் 18ம் ஆண்டு நினைவு தினம்!: திருவுருவ படத்திற்கு திமுகவினர் மலர்தூவி மரியாதை..!!

  • selem-gas-23

    சேலத்தில் கேஸ் சிலிண்டர் வெடித்து விபத்து: 4 வீடுகள் தரைமட்டம்...இடிபாடுகளில் சிக்கி 5 பேர் உயிரிழப்பு..!!

  • andhra-flood-22

    ஆந்திராவில் கொட்டித்தீர்த்த கனமழை!: வெள்ளக்காடாக காட்சியளிக்கும் குடியிருப்புகள்...இடுப்பளவு தண்ணீரில் அல்லல்படும் மக்கள்..!!

படங்கள் வீடியோ கல்வி சினிமா ஜோ‌திட‌ம்