SUN குழுமத்திலிருந்து வெளிவரும் காலை நாளிதழ்

அனைத்து கட்சிகளும் புது கூட்டணியை உருவாக்கியதால் எதிர்கட்சி இல்லாத நாகலாந்து பேரவை

2021-09-19@ 19:46:31

கோஹிமா: நாகலாந்தில் உள்ள அனைத்து கட்சிகளும் ஒன்றிணைந்து புதிய கூட்டணியை உருவாக்கியதால், அம்மாநிலத்தில் எதிர்கட்சியே இல்லாத அரசு செயல்பட்டு வருகிறது. நாகலாந்தில் கடந்த 2018ம் ஆண்டு நடந்த சட்டப் பேரவை தேர்தலில் என்டிபிபி - பாஜக கூட்டணி வெற்றிப் பெற்று ஆட்சியை பிடித்தது. 60 உறுப்பினர்களைக் கொண்ட நாகாலாந்து சட்டசபையில் 20 என்டிபிபி எம்எல்ஏக்கள், 12 பாஜக எம்எல்ஏக்கள், 25 என்பிஎப் எம்எல்ஏக்கள், இரண்டு சுயேச்சை எம்எல்ஏக்கள் உள்ளனர்.

இந்நிலையில், என்டிபிபி எம்எல்ஏ டோஷி வுங்க்துங் உடல்நலக்குறைவால் இறந்ததால், அம்மாநில சட்டசபையில் ஒரு உறுப்பினர் இடம் காலியாக உள்ளது. இந்நிலையில், முக்கிய திருப்பமாக ஆளுங்கட்சியும், எதிர்கட்சியும் இணைந்து ஒரு புதிய கூட்டணியை உருவாக்கி உள்ளன. நாகலாந்தில் நடந்துள்ள இந்த அரசியல் மாற்றம் தேசிய அளவில் பரபரப்பாக பேசப்படுகிறது. கோஹிமாவில் நடந்த ஆலோசனை கூட்டத்தில் என்டிபிபி,  பாஜக, என்பிஎப் கட்சி எம்எல்ஏக்கள் மற்றும் சுயேட்சை எம்எல்ஏக்கள் கலந்து கொண்ட கூட்டத்தில், ஆளும்கட்சியும், எதிர்க்கட்சிகளும் இணைந்து ஐக்கிய ஜனநாயக கூட்டணி (யுடிஏ) என்ற பெயரில் கூட்டணியை உருவாக்கி உள்ளன.

இதுதொடர்பாக  நாகாலாந்து முதல்வர் நெஃபியு ரியோ வெளியிட்ட டுவிட்டர் பதிவில், ‘நாகாலாந்தில் ஆளுங்கட்சியும், எதிர்கட்சியும் இணைந்து ஐக்கிய ஜனநாயகக் கூட்டணி என்று கூட்டணியை உருவாக்கி உள்ளோம். இதில், என்டிபிபி, பாஜக, என்பிஎப் மற்றும் சுயேட்சை எம்எல்ஏக்கள் இணைந்து அரசை வழி நடத்துவோம்’ என்று தெரிவித்துள்ளார்.

மேலும் செய்திகள்

Like Us on Facebook Dinkaran Daily News
  • robo-teacher-2

    இனி டீச்சர்னா பயம் கிடையாது: பாலஸ்தீனத்தில் ஆசிரியராக களமிறக்கப்பட்டுள்ள ரோபோட்...நட்பு பாராட்டும் மாணவர்கள்..!!

  • dog-police-2

    சென்னை எழும்பூர் காவல் அருங்காட்சியகத்தில் மோப்ப நாய்களின் சாகச நிகழ்ச்சி: ஆர்வமுடன் கண்டு ரசிக்கும் பள்ளி மாணவர்கள்...கை குலுக்கி உற்சாகம்..!!

  • MKStalin_Inspectetd_Thoothukudi

    தூத்துக்குடி மாவட்டத்தில் மழையால் ஏற்பட்ட பாதிப்புகளை நேரில் ஆய்வு செய்தார் தமிழ்நாடு முதலமைச்சர் மு.க.ஸ்டாலின்

  • IncomeTax_Raid_SaravanaStores

    சென்னையில் உள்ள அனைத்து சரவணா ஸ்டோரிஸ் கடைகளில் வருமான வரித்துறை சோதனை

  • Landslide_Tirupati

    திருப்பதி ஏழுமலையான் கோவிலுக்கு செல்லும் மலைப்பாதையில் மண்சரிவு

படங்கள் வீடியோ கல்வி சினிமா ஜோ‌திட‌ம்