SUN குழுமத்திலிருந்து வெளிவரும் காலை நாளிதழ்

நெல்லை டவுனில் குழாயில் கசிவு ஏற்பட்டு சாலையில் ஆறாக ஓடும் குடிநீர்

2021-09-12@ 19:37:56

நெல்லை: நெல்லை டவுன் கிழக்கு ரதவீதியில் குடிதண்ணீர் குழாயில் கசிவு ஏற்பட்டு குடிநீர் சாலையில் வீணாக ஓடுவதை தடுக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என பொதுமக்கள் எதிர்பார்க்கின்றனர். நெல்லை டவுண் கிழக்கு ரதவீதி சாலையில் பதிக்கப்பட்டுள்ள குடிதண்ணீர் குழாயில் கசிவு ஏற்பட்டுள்ளதால் அதிகளவு குடிநீர் வெளியேறி சாலையில் வீணாக ஓடுகிறது. இச்சாலையில் சமீபத்தில் நடைபெற்ற பாதாள சாக்கடை குழாய் பதிப்பு பணிகளுக்குப் பிறகு இந்த குடிதண்ணீர் கசிவு ஏற்பட்டுள்ளது என்று இப்பகுதி மக்கள் தெரிவித்தனர்.

கடந்த சில தினங்களுக்கு முன் லேசாக இருந்த நீர்க்கசிவு தற்போது அதிகரித்துள்ளதால் அதிகளவு குடிதண்ணீர் வெளியேறி சாலைகளில் வீணாக ஓடுகிறது. இதேபோல் அருகிலுள்ள சத்தியமூர்த்தி தெருவிலும் குடிதண்ணீர் குழாயில் கசிவு ஏற்பட்டு குடிதண்ணீர் வீணாகி வருகிறது. நெல்லை மாநகர பகுதிகளில் சீராக குடிதண்ணீர் விநியோகம் செய்வதில் பல பிரச்னைகள் இருப்பதால் பல இடங்களில் குடிதண்ணீர் கிடைக்காமல் பொதுமக்கள் சாலை மறியலில் ஈடுபடுவதும், குடிதண்ணீர் லாரிகள் வந்தவுடன் முண்டியடித்துக் கொண்டு குடிதண்ணீர் பிடிக்கச் செல்லும் சூழலும் உள்ளது.

இந்நிலையில் இப்படி குடிதண்ணீர் வீணாக வெளியேறுவதை தடுக்க சம்பந்தப்பட்ட மாநகராட்சி அதிகாரிகள் விரைந்து நடவடிக்கை எடுப்பதோடு, மாநகர பகுதிகளில் உள்ள அனைத்து மக்களுக்கும் சீரான முறையில் குடிதண்ணீர் கிடைக்க உரிய நடவடிக்கை எடுக்க வேண்டும் என்பதே நெல்லை மாநகர மக்களின் எதிர்பார்ப்பாக உள்ளது.

மேலும் செய்திகள்

Like Us on Facebook Dinkaran Daily News
  • Coimbatore jallikattu

    பொங்கல் பண்டிகையை முன்னிட்டு கோவை செட்டிபாளையத்தில் நடந்த ஜல்லிக்கட்டு போட்டி படங்கள்.

  • pipin-statue-21

    குன்னூர் ஹெலிகாப்டர் விபத்தில் உயிரிழந்த பிபின் ராவத்தின் ஐம்பொன் சிலை தயாரிப்பு பணிகள் தீவிரம்..!!

  • rose-shaped-coral-21

    என்ன ஒரு அழகு!!!: டஹிடி தீவின் கடலுக்கு அடியே சுமார் 3 கி.மீ நீளமுள்ள ராட்சத ரோஜா வடிவ பவளப்பாறைகள் கண்டுபிடிப்பு..!!

  • Trichy_Thiruverumbur_Koothappar_Jallikattu

    திருச்சி திருவெறும்பூர் கூத்தப்பர் பகுதி ஜல்லிகட்டு போட்டி: சீறி பாயும் காளைகள்

  • Marinaa

    சென்னை மெரினா கடற்கரை காமராஜர் சாலையில் நேற்று நடைபெற்ற அணிவகுப்பு ஒத்திகை

படங்கள் வீடியோ கல்வி சினிமா ஜோ‌திட‌ம்