SUN குழுமத்திலிருந்து வெளிவரும் காலை நாளிதழ்

2.38 லட்சம் டன் நிலக்கரி மாயம் யார் தவறு செய்திருந்தாலும் நடவடிக்கை எடுக்கலாம்: முன்னாள் அமைச்சர் தங்கமணி பேட்டி

2021-08-22@ 00:12:16

நாமக்கல்: நாமக்கல் மாவட்டம், பள்ளிபாளையத்தில், முன்னாள் மின்சாரத்துறை அமைச்சர் தங்கமணி அளித்த பேட்டி: தமிழக மின்சாரத்துறை அமைச்சர் செந்தில்பாலாஜி, வடசென்னை அனல் மின்நிலையத்தில் ஆய்வு செய்து விட்டு, 2.38 லட்சம் டன் நிலக்கரி காணாமல் போய்விட்டது. பதிவேட்டுக்கும், இருப்புக்கும் வித்தியாசம் இருக்கிறது என கூறியுள்ளார். வடசென்னை உள்ளிட்ட 3 அனல் மின்நிலையத்திலும் கடந்த காலங்களில் நிலக்கரி இருப்பு குறைந்து கொண்டே வந்தது. இது பற்றி நான் டெல்லி சென்று, மத்திய அமைச்சரை சந்தித்து பேசி விட்டு வந்தேன்.

கடந்த ஆண்டு ஆகஸ்ட் மாதம் பதிவேட்டில் உள்ள நிலக்கரி இருப்புக்கும், கையிருப்புக்கும் வித்தியாசம் இருப்பதை கண்டுபிடித்தோம். இது பற்றி விசாரிக்க ஸ்ரீதர் என்ற ஐஏஎஸ் அதிகாரியை நியமித்தோம். ஏற்கனவே நாங்கள் எடுத்த கணக்கைத்தான், மின்சாரத்துறை அமைச்சர் செந்தில்பாலாஜி கூறுகிறார். எனக்கு மடியில் கனமில்லை. அதனால் வழியில் பயமில்லை. நிலக்கரி காணாமல் போனதற்கு யார் காரணம் என அமைச்சர் முழுமையாக விசாரிக்கட்டும். தவறு செய்தவர்கள் யாராக இருந்தாலும் நடவடிக்கை எடுக்கட்டும். இவ்வாறு அவர் தெரிவித்தார்.

மேலும் செய்திகள்

Like Us on Facebook Dinkaran Daily News
  • bulgaria-24

    பல்கேரியாவில் பயணிகள் பேருந்தில் தீ விபத்து!: 12 குழந்தைகள் உட்பட 45 பேர் தீயில் கருகி உயிரிழப்பு..!!

  • murasoli-23

    ‘கலைஞரின் மனசாட்சி’முரசொலி மாறனின் 18ம் ஆண்டு நினைவு தினம்!: திருவுருவ படத்திற்கு திமுகவினர் மலர்தூவி மரியாதை..!!

  • selem-gas-23

    சேலத்தில் கேஸ் சிலிண்டர் வெடித்து விபத்து: 4 வீடுகள் தரைமட்டம்...இடிபாடுகளில் சிக்கி 5 பேர் உயிரிழப்பு..!!

  • andhra-flood-22

    ஆந்திராவில் கொட்டித்தீர்த்த கனமழை!: வெள்ளக்காடாக காட்சியளிக்கும் குடியிருப்புகள்...இடுப்பளவு தண்ணீரில் அல்லல்படும் மக்கள்..!!

  • tajmahal-love

    தாஜ்மஹால் போன்றே வீடு...வாழும் ஷாஜகானின் காதல் பரிசால் திக்குமுக்காடிப்போன மனைவி..!!

படங்கள் வீடியோ கல்வி சினிமா ஜோ‌திட‌ம்