SUN குழுமத்திலிருந்து வெளிவரும் காலை நாளிதழ்

அம்மன் கோயில் திருவிழாவில் மார்பில் உரல் வைத்து உலக்கையால் பச்சரிசி, மஞ்சள் இடிக்கும் நிகழ்ச்சி: வேட்டவலம் அருகே பக்தர்கள் பரவசம்

2021-08-08@ 11:23:24

வேட்டவலம்: வேட்டவலம் அருகே அம்மன் கோயில் ஆடி வெள்ளி திருவிழாவில் மார்பில் உரல் வைத்து உலக்கையால் பச்சரிசி, மஞ்சள் இடிக்கும் நிகழ்ச்சி நடந்தது. இதனை பக்தர்கள் பரசவத்துடன் கண்டு களித்தனர். திருவண்ணாமலை மாவட்டம், வேட்டவலம் அடுத்த சு.பொலக்குணம் கிராமத்தில் முத்து மாரியம்மன் கோயில் உள்ளது. இந்த கோயிலின் 17ம் ஆண்டு ஆடி வெள்ளி திருவிழா நேற்று முன்தினம் நடந்தது. இதனையொட்டி, காலையில் அம்மனுக்கு சிறப்பு அபிஷேக ஆராதனைகள் நடந்தது. பின்னர் பக்தர்கள் கரகம் சுமந்தவாறு வீதி உலாவாக கோயில் வளாகத்தை அடைந்தனர்.

மேலும் கோயில் வளாகத்தில் தலைப்குப்புற படுத்திருந்த பக்தர்களின் முதுகில் கரகம் சுமந்து வந்தவர்கள் ஏறி நடந்து சென்றனர். பின்னர் மாலையில் அம்மன் வீதி உலாவும், கூழ் வார்க்கும் நிகழ்ச்சியும் நடந்தது. அதைத் தொடர்ந்து விழாவின் முக்கிய நிகழ்வான மார்பில் மஞ்சள் இடிக்கும் நிகழ்ச்சி நடந்தது. இதில் அதே கிராமத்தை சேர்ந்த முருகன் என்ற பக்தரின் மார்பில் உரல் வைத்து அதில் உலக்கையால் பச்சரிசி, மஞ்சள் இடிக்கும் நிகழ்ச்சி நடந்தது. இதனை பக்தர்கள் பக்தி பரவசத்துடன் மெய் சிலிர்த்தவாறு கண்டு களித்தனர்.

மேலும் இடிக்கப்பட்ட மாவை பிரசாதமாக சாப்பிட்டால் திருமணமாகி குழந்தை பாக்கியம் இல்லாத தம்பதியர்களுக்கு குழந்தை பிறக்கும் என்பது ஐதீகம் என்பதால் இதனை பக்தர்கள் பிரசாதமாக வாங்கி சென்றனர். பின்னர், இரவு அம்மன் ஊஞ்சல் தாலாட்டும், ஆன்மிக நாடகம் நடந்தது. நிகழ்ச்சிகளில் திரளான பக்தர்கள் முகக்கவசம் அணிந்து சமூக இடைவெளியை பின்பற்றி கலந்து கொண்டனர்.

மேலும் செய்திகள்

Like Us on Facebook Dinkaran Daily News
  • robo-teacher-2

    இனி டீச்சர்னா பயம் கிடையாது: பாலஸ்தீனத்தில் ஆசிரியராக களமிறக்கப்பட்டுள்ள ரோபோட்...நட்பு பாராட்டும் மாணவர்கள்..!!

  • dog-police-2

    சென்னை எழும்பூர் காவல் அருங்காட்சியகத்தில் மோப்ப நாய்களின் சாகச நிகழ்ச்சி: ஆர்வமுடன் கண்டு ரசிக்கும் பள்ளி மாணவர்கள்...கை குலுக்கி உற்சாகம்..!!

  • MKStalin_Inspectetd_Thoothukudi

    தூத்துக்குடி மாவட்டத்தில் மழையால் ஏற்பட்ட பாதிப்புகளை நேரில் ஆய்வு செய்தார் தமிழ்நாடு முதலமைச்சர் மு.க.ஸ்டாலின்

  • IncomeTax_Raid_SaravanaStores

    சென்னையில் உள்ள அனைத்து சரவணா ஸ்டோரிஸ் கடைகளில் வருமான வரித்துறை சோதனை

  • Landslide_Tirupati

    திருப்பதி ஏழுமலையான் கோவிலுக்கு செல்லும் மலைப்பாதையில் மண்சரிவு

படங்கள் வீடியோ கல்வி சினிமா ஜோ‌திட‌ம்