SUN குழுமத்திலிருந்து வெளிவரும் காலை நாளிதழ்

அதிமுக ஆட்சியில் கொண்டு வரப்பட்டது கால்நடை இனப்பெருக்க சட்டத்திற்கு எதிராக வழக்கு: சட்டத்துறை செயலர் பதிலளிக்க உத்தரவு

2021-08-06@ 00:07:58

மதுரை: கால்நடை இனப்பெருக்கச் சட்டத்திற்கு எதிரான வழக்கில், சட்டத்துறை செயலர் பதிலளிக்க ஐகோர்ட் மதுரை கிளை உத்தரவிட்டுள்ளது. மதுரை, நாகனாகுளத்தைச் சேர்ந்த டாக்டர் வெங்கடேஷ், ஐகோர்ட் மதுரை கிளையில் தாக்கல் செய்த மனு:  தமிழக அரசு கடந்த 2019ல் கால்நடை இனப்பெருக்க சட்டத்தை அமல்படுத்தியுள்ளது. இந்த சட்டத்தின் 12வது பிரிவில் பல்வேறு பாதகமான விதிகள் உள்ளன. இதனால், மாடுகள் வளர்ப்போர் பெரும் அச்சமடைந்துள்ளனர். நாட்டு மாட்டினத்தின் இனப்பெருக்கத்தை பாதிக்கும் வகையில் இவை உள்ளன. காளைகள் அனைத்தையும் பதிவு செய்து தகுதி சான்று பெற வேண்டும். இதில், தகுதியற்றது என தெரிய வந்தால் அந்த காளைகளை அழித்துவிட வேண்டும்.

நாட்டு பசுக்களை இயற்கை முறையில் நம் நாட்டு காளைகளுடன் இனப்பெருக்கத்தில் ஈடுபடுத்த முடியாது. செயற்கையான கருவையே பயன்படுத்த வேண்டுமென கூறுகிறது. குறிப்பாக இயற்கை முறையிலான இனப்பெருக்கத்திற்கு எதிராக உள்ளது இச்சட்டம். எனவே, கால்நடை இனப்பெருக்க சட்டம் விவசாயிகளுக்கும், மாட்டின் பாதுகாப்பாளர்கள், ஜல்லிக்கட்டு காளை வளர்ப்போர் உள்ளிட்ட பலருக்கும் பாதகமாக உள்ளதால், கால்நடை இனப்பெருக்க சட்டத்தின் 12வது பிரிவிலுள்ள பாதகமான விதிகள் செல்லாது என அறிவிக்க வேண்டும்.  இவ்வாறு மனுவில் கூறியிருந்தார். இந்த மனுவை நேற்று விசாரித்த நீதிபதிகள் எம்.துரைசுவாமி, எஸ்.ஆனந்தி ஆகியோர், சட்டத்துறை செயலர் பதிலளிக்க உத்தரவிட்டு விசாரணையை ஆக.26க்கு தள்ளி வைத்தனர்.

மேலும் செய்திகள்

Like Us on Facebook Dinkaran Daily News
  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

  • cryingroom-19

    இனி வீட்டில் அழுகாதீங்க!: மனதில் உள்ளதைக் கொட்டித் தீர்க்க ஸ்பெயினில் 'அழுகை அறை' அறிமுகம்..!!

படங்கள் வீடியோ கல்வி சினிமா ஜோ‌திட‌ம்