SUN குழுமத்திலிருந்து வெளிவரும் காலை நாளிதழ்

கொள்ளிடம் ஆற்றில் மணல் திருட்டு: பந்தநல்லூர் போலீசார் லஞ்சம் வாங்கியும் வீண் வழக்கு போடுவதாக புகார்

2021-08-05@ 12:52:13

தஞ்சாவூர்: தஞ்சாவூர் மாவட்டம் பந்தநல்லூரில் சட்டவிரோத மணல் கொள்ளைக்கு லஞ்சம் வாங்கிக்கொண்டும் வீண் வழக்கு போடுவதாக குற்றம்சாட்டி கொரோனா தொற்று பாதித்தவர் காவல் நிலையம் முன்பு நின்று போலீசாரை மிரட்டும் காட்சி சமூக வலைத்தளங்களில் அதிகம் பகிரப்பட்டு வருகிறது.

பந்தநல்லூர் காவல் சரகத்திற்கு உட்பட்ட கொள்ளிடம் ஆற்றில் மணல் திருட்டு நடைபெறுவது தொடர்கிறது. இதனை தடுக்கும் பொருட்டு ரோந்து சென்ற போலீசார் 3 டிராக்டர் உட்பட வாகனங்களை பறிமுதல் செய்தனர். இதில் டிராக்டர் உரிமையாளரான இளையராஜா என்பவர் கொரோனா தொற்றால் பாதிக்கப்பட்டு மருத்துவமனையில் சிகிச்சை பெற்று வருகிறார்.

தகவலறிந்து மருத்துவமனையில் இருந்து நேரடியாக காவல்நிலையத்திற்கு ஆவேசமாக வந்த அவர் தம்மிடம் லஞ்சம் வாங்கிய பின்பும் வாகனங்களை பறிமுதல் செய்வதாக போலீசாருக்கு மிரட்டல் விடுக்கும் வகையில் பேசி அதை வீடியோ எடுத்து சமூக வலைத்தளங்களில் பதிவிட்டுள்ளார்.

இளையராஜா மீது நோய் தொற்றை பரப்புவது, காவலர்களை பணி செய்ய விடாமல் தடுப்பது, தவறான கருத்தை பரப்புவது ஆகிய 3 பிரிவுகளில் போலீசார் வழக்குப்பதிவு செய்துள்ளனர். மேலும் தலைமறைவாக உள்ள அவரை தேடும் பணியை முடுக்கிவிட்டுள்ளனர்.

மேலும் செய்திகள்

Like Us on Facebook Dinkaran Daily News
  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

  • cryingroom-19

    இனி வீட்டில் அழுகாதீங்க!: மனதில் உள்ளதைக் கொட்டித் தீர்க்க ஸ்பெயினில் 'அழுகை அறை' அறிமுகம்..!!

  • baloon111

    பலூனை தட்டி விளையாடுபவர்களுக்கான உலகக் கோப்பை டோர்னமென்ட்: ஸ்பெயினில் வினோதம்!!

படங்கள் வீடியோ கல்வி சினிமா ஜோ‌திட‌ம்