SUN குழுமத்திலிருந்து வெளிவரும் காலை நாளிதழ்

ஆடிப்பெருக்கு நாளில் கல்லணை, திருக்காட்டுப்பள்ளியில் காவிரி படித்துறை வெறிச்சோடியது

2021-08-04@ 14:24:36

திருக்காட்டுப்பள்ளி : தஞ்சாவூர் மாவட்டம் கல்லணையிலும், திருக்காட்டுப்பள்ளி காவிரி ஆற்றிலும் ஆடிப்பெருக்கு விழாவை முன்னிட்டு ஆண்டுதோறும் பெண்கள் கூடி கொண்டாடுவர். இந்த ஆண்டு கொரோனா வைரஸ் ஊரடங்கால் கல்லணை மற்றும் திருக்காட்டுப்பள்ளி காவிரி படித்துறை நேற்று (3ம் தேதி) வெறிச்சோடி காணப்பட்டது.
காவிரி டெல்டா மாவட்ட மக்கள் விவசாயத்திற்கு ஆதாரமாக விளங்கும் காவிரித்தாய்க்கு நன்றி சொல்லும் வகையில் ஆடிமாதம் 18ம் தேதி ஆடிப்பெருக்கு விழா கொண்டாடி மகிழ்வார்கள். காலையில் பெண்கள் மற்றும் புதுமண தம்பதிகள் கூடி காவிரித்தாய்க்கு பழங்கள், அரிசியுடன் வெல்லம் கலந்து கரையில் படையலிட்டு காவிரித்தாயை வழிப்படுவார்கள். ஓடும் நீரில் திருமணத்தின்போது அணிந்திருந்த மாலைகளை நீரில் விடுவார்கள்.

திருமணமான பெண்கள் தீர்க்க சுமங்கலியாக வாழவும், கன்னிப் பெண்கள் விரைவில் திருமணம் நடக்கவும் காவிரி தாயை வேண்டி மஞ்சள் கயிற்றை அணிவார்கள். தண்ணீர் தட்டுப்பாடு ஏற்பட்ட நேரங்களில் கூட இதற்கு வழிவகுக்கும் வகையில் அரசு மேட்டூர் அணையை திறக்க சிறப்பு அனுமதியளித்து தண்ணீர் திறப்பது வழக்கம்.

மேட்டூர் அணைக்கு போதுமான தண்ணீர் வரத்து இல்லாமல் திறக்கப்படாத நிலையில் கூட கல்லணையில் தேங்கிய நீரிலும், திருக்காட்டுப்பள்ளி காவிரி ஆற்றில் பேரூராட்சி நிர்வாகம் பம்பு செட் மூலமும் வழங்கிய தண்ணீரிலும் மக்கள் படையலிட்டு மகிழ்ந்தனர்.ஆனால் இந்த ஆண்டு மேட்டூர் அணை உரிய நேரத்தில் திறக்கப்பட்டு திருக்காட்டுப்பள்ளி காவிரி ஆற்றில் தண்ணீர் கரை புரண்டு ஓடுகிறது. ஆனால் கொரோனா வைரஸ் முழு ஊரடங்கால் காவிரி ஆற்றில் மக்கள் கூடுவதற்கு அனுமதியில்லை. இதனால் கல்லணை மற்றும் திருக்காட்டுப்பள்ளி காவிரி ஆற்று கரைகளில் மக்கள் கூட்டம் இன்றி வெறிச்சோடி காணப்பட்டது.

மேலும் செய்திகள்

Like Us on Facebook Dinkaran Daily News
  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

  • cryingroom-19

    இனி வீட்டில் அழுகாதீங்க!: மனதில் உள்ளதைக் கொட்டித் தீர்க்க ஸ்பெயினில் 'அழுகை அறை' அறிமுகம்..!!

  • baloon111

    பலூனை தட்டி விளையாடுபவர்களுக்கான உலகக் கோப்பை டோர்னமென்ட்: ஸ்பெயினில் வினோதம்!!

படங்கள் வீடியோ கல்வி சினிமா ஜோ‌திட‌ம்