SUN குழுமத்திலிருந்து வெளிவரும் காலை நாளிதழ்

மூலைக்கரைப்பட்டி அருகே 3 ஆண்டுகளாக போக்குகாட்டி பொதுமக்களை அச்சுறுத்தும் கரடி: கூண்டு வைத்து பிடிக்க வனத்துறையினர் தீவிரம்

2021-08-03@ 21:19:48

நாங்குநேரி: மூலைக்கரைப்பட்டி அருகே வாழை தோட்டத்தில் பதுங்கிய கரடியை கூண்டு வைத்து பிடிக்க வனத்துறையினர் முயற்சி மேற்கொண்டுள்ளனர். நெல்லை மாவட்டம் மூலைக்கரைப்பட்டி அருகே உள்ள பார்ப்பரம்மாள்புரத்தில் விவசாயி சிலுவை அந்தோணி (47) என்பவருக்கு சொந்தமான வாழைத்தோட்டம் உள்ளது. இந்த தோட்டத்துக்குள் நேற்று காலை அப்பகுதியைச் சேர்ந்த விவசாய தொழிலாளர்கள் வேலை செய்தனர். அப்போது அந்த வழியாக ஒரு கரடி வாழைத் தோட்டத்தில் புகுந்ததை பார்த்தனர்.

இதனால் அச்சமடைந்த விவசாயிகள் மற்றும் தொழிலாளர்கள் அங்கிருந்து தப்பி விஜயநாராயணம் போலீசாருக்கு தகவல் தெரிவித்தனர். அதனைத்தொடர்ந்து போலீசார் களக்காடு மற்றும் நெல்லை வனத்துறையினருக்கு தகவல் தெரிவித்தனர். நெல்லை மாவட்ட வனத்துறையினர் மற்றும் மருத்துவக்குழுவினர்  அங்கு வந்தனர். அந்த கரடியை கூண்டு வைத்து பிடிக்க தீவிரம் காட்டி வருகின்றனர். வாழைத்தோட்டத்திற்குள் கரடி அங்கும் இங்கும் ஓடி போக்கு காட்டி வருவதால் அதனை பிடிக்க வனத்துறையினர் கடும் சிரமம் அடைந்துள்ளனர்.

கடந்த 3 ஆண்டுகளாக கரடி அவ்வப்போது இப்பகுதிக்கு வந்து பொதுமக்களை அச்சுறுத்தி வருவதாக கூறப்படுகிறது. எனவே அவற்றை பிடித்து அடர்ந்த வனப்பகுதியில் விட நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • mahaa12

    100 கோடி தடுப்பூசி சாதனை கொண்டாட்டம் : மாமல்லபுரம் கோவில்கள் உள்ளிட்ட100 நினைவுச் சின்னங்கள் மூவர்ணத்தில் ஒளிர்ந்தன!!

  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

படங்கள் வீடியோ கல்வி சினிமா ஜோ‌திட‌ம்