SUN குழுமத்திலிருந்து வெளிவரும் காலை நாளிதழ்

தலிபான்கள் அட்டூழியம் கந்தகார் ஏர்போர்ட் மீது ஏவுகணை தாக்குதல்

2021-08-02@ 00:42:48

காபூல்: கந்தகார் விமான நிலையத்தின் மீது ஏவுகணைகளை வீசி தலிபான்கள் நடத்திய தாக்குதலைத் தொடர்ந்து, விமான சேவை தற்காலிகமாக நிறுத்தப்பட்டது. ஆப்கானிஸ்தானில் அமெரிக்க படைகள் வெளியேறிய பிறகு தலிபான்கள் அரசு படையுடன் சண்டையிட்டு ஒவ்வொரு பகுதிகளாக பிடித்து வருகின்றன. இந்நிலையில், அந்நாட்டின் 2வது பெரிய நகரமான கந்தகாரை தலிபான்கள் தற்போது குறிவைத்துள்ளனர். நேற்று முன்தினம் நள்ளிரவு கந்தகார் விமான நிலையத்தின் மீது அவர்கள் 3 ஏவுகணைகள் வீசி தாக்கினர். இதில், 2 ஏவுகணைகள் விமான நிலைய ஓடு பாதையில் விழுந்து வெடித்தன. இதனால், ஓடு பாதை சேதமடைந்ததைத் தொடர்ந்து நேற்று விமான சேவை தற்காலிகமாக நிறுத்தப்பட்டது.

விமான நிலைய தலைவர் மசூத் புஸ்தன் அளித்த பேட்டியில், ‘‘ஓடு பாதையை சீர் செய்யும் பணி நடக்கிறது. இன்று (நேற்று) மாலைக்குள் விமான சேவை மீண்டும் தொடங்கப்பட வாய்ப்புள்ளது,’’ என்றார். தலிபான்களின் இத்தாக்குதலை ஆப்கான் அரசும் உறுதி செய்துள்ளது. சரக்குகளை கொண்டு செல்வதற்கும், வான்வழி போக்குவரத்துக்கும் தலிபான்களுக்கு கந்தகார் விமான நிலையம் முக்கிய தேவையாக இருக்கிறது. இதனால், அந்த விமான நிலையத்தை தங்கள் கட்டுப்பாட்டுக்குள் கொண்டு வர சண்டையிட்டு வருவது குறிப்பிடத்தக்கது.

மேலும் செய்திகள்

Like Us on Facebook Dinkaran Daily News
  • iceberg-boat-23

    இது படகா...இல்ல பனிப்பாறையா...?: பிரான்ஸ் ஓவியரின் கில்லாடி ஐடியா..!!

  • thailand-taxi-23

    தாய்லாந்தில் காய்கறித் தோட்டங்களாக மாறிய டாக்சிகள்!: அட்டகாச புகைப்படங்கள்

  • haiti-refugees-21

    ஹைத்தியில் பாதுகாப்பில்லை, வேலையில்லை!: அமெரிக்காவில் தஞ்சமடைய எல்லையில் குவிந்த அகதிகள்..!!

  • drone-21

    புதுசு புதுசா கண்டுபிடிக்குறாங்கப்பா!: கம்போடியாவில் ஆள் ஏற்றி செல்லும் ட்ரோனை உருவாக்கி மாணவர்கள் அசத்தல்..!!

  • saudi-camel-16

    சவுதி அரேபியாவில் கண்டுபிடிக்கப்பட்ட பிரம்மாண்டமான ஒட்டக சிற்பம்!: 7,000 ஆண்டுகளுக்கு முந்தையது என விஞ்ஞானிகள் தகவல்..!!

படங்கள் வீடியோ கல்வி சினிமா ஜோ‌திட‌ம்