SUN குழுமத்திலிருந்து வெளிவரும் காலை நாளிதழ்

ரூ.10 லட்சம் பறிப்பு வழக்கில் தலைமறைவான பெண் இன்ஸ்பெக்டரை பிடிக்க 5 தனிப்படை அமைப்பு

2021-08-01@ 00:45:37

மதுரை: சிவகங்கை மாவட்டம் இளையான்குடி இந்திரா நகரைச் சேர்ந்தவர் அர்ஷத் (32). பை வியாபாரி. இவர் சொந்த தொழில் தொடங்க ரூ.10 லட்சத்தை எடுத்துக் கொண்டு, இளையான்குடியில் இருந்து காரில், மதுரை மாவட்டம், திருமங்கலத்தை சேர்ந்த பாண்டியிடம், வட்டிக்கு பணம் வாங்க கடந்த ஜூலை 5ம் தேதி சென்றார். நாகமலை புதுக்கோட்டை - தேனி மெயின் ரோட்டில் காத்திருந்தார். அப்போது பாண்டி, அவரது நண்பர் கார்த்திக் மற்றும் வயதான ஒருவர் வந்துள்ளனர். இவர்கள் மற்றும் அர்ஷத்தை, நாகமலை புதுக்கோட்டை இன்ஸ்பெக்டர் வசந்தி, அவரது டிரைவர் காரில் ஏற்றி அழைத்துச் சென்றனர். வழியில் அர்ஷத்தின் பணப்பையை பறித்துக் கொண்டு மிரட்டி அனுப்பினர். இதுகுறித்த புகாரில், இன்ஸ்பெக்டர் வசந்தி உட்பட 5 பேர் மீது 5 பிரிவுகளில் போலீசார் வழக்குப்பதிவு செய்தனர். இன்ஸ்பெக்டர் வசந்தி சஸ்பெண்ட் செய்யப்பட்டார். விசாரணைக்காக இன்ஸ்பெக்டர் வசந்தியை அழைக்கச் சென்றபோது, அவர் தலைமறைவாக இருப்பது தெரியவந்தது. வசந்தி உட்பட 5 பேரை பிடிக்க  5 தனிப்படை அமைக்கப்பட்டுள்ளது. இப்படையினர் 5 பேரையும் தேடி வருகின்றனர். இதற்கிடையே வசந்தி முன்ஜாமீன் கேட்டு ஐகோர்ட் கிளையில் மனுசெய்துள்ளார்.

மேலும் செய்திகள்

Like Us on Facebook Dinkaran Daily News
  • wildfire-13

    கலிபோர்னியாவில் வேகமாக பரவும் காட்டுத்தீ!: 13,400 ஏக்கர் காடுகள் தீயில் கருகி நாசம்..!!

  • plane-crashe-13

    அமெரிக்காவில் குடியிருப்பு மீது விழுந்து நொறுங்கிய சிறிய ரக விமானம்!: ஏராளமான வாகனங்கள், வீடுகள் தீக்கிரை..2 பேர் பலி..!!

  • wine-12

    இஸ்ரேலில் மண்ணில் புதையுண்டு கிடந்த 1,500 ஆண்டுகள் பழமையான ஒயின் தயாரிப்பு ஆலை கண்டெடுப்பு..!!

  • Tiruppp1

    திருப்பதியில் நவராத்திரி பிரம்மோற்சவம்... கண்கவர் புகைப்படங்கள்!!

  • andhratirupp

    திருமலை ஏழுமலையானுக்கு பட்டு வஸ்திரம் சமர்பித்த ஆந்திரா முதல்வர் ஜெகன்மோகன் ரெட்டி

படங்கள் வீடியோ கல்வி சினிமா ஜோ‌திட‌ம்