SUN குழுமத்திலிருந்து வெளிவரும் காலை நாளிதழ்

பெங்களூரில் இருந்து லாரிகளில் கடத்தி வரப்பட்ட ரூ.1.35 கோடி போதை புகையிலை பொருட்கள் பறிமுதல்: தப்பியோடிய கும்பலை பிடிக்க சேலம் போலீஸ் தீவிரம்

2021-07-31@ 05:48:26

சேலம்: சேலத்துக்கு 3 லாரிகளில் கடத்தி வரப்பட்ட ரூ.1.35 கோடி மதிப்புள்ள போதை புகையிலை பொருட்களை போலீசார் பறிமுதல் செய்தனர். தப்பியோடிய கும்பலை போலீசார் தீவிரமாக தேடி வருகின்றனர். சேலம் சீலநாயக்கன்பட்டி ஊத்துக்காடு பகுதியில் உள்ள ஒரு லாரி பார்க்கிங் ஸ்டாண்டில் உள்ள 2 லாரிகளில் போதை புகையிலை பொருட்கள் இருப்பதாக போலீசுக்கு தகவல் கிடைத்தது.  உடனே போலீசார் சம்பவ இடம் சென்று, அதிரடி சோதனை நடத்தினர். அப்போது, ஸ்டாண்டில் நிறுத்தி வைக்கப்பட்டிருந்த 2 லாரிகளின் அருகே இருந்து 4 பேர் கும்பல் தப்பியோடினர். இதையடுத்து, லாரியை போலீசார் சோதனையிட்டனர்.

அதில், ஒரு லாரியில் 131 மூட்டைகளிலும், மற்றொரு லாரியில் 117 மூட்டைகளிலும் போதை புகையிலை பொருட்கள் இருந்தன. 7,300 கிலோ எடை கொண்ட இதன்மதிப்பு ரூ.1.02 கோடியாகும். இதனை கர்நாடக மாநிலத்தில் இருந்து கடத்தி வந்து ரகசியமாக சிறிய வாகனங்களில் பிரித்து அனுப்பி, சப்ளை செய்ய இருந்தது தெரியவந்தது. தப்பியோடிய லாரி டிரைவர்கள் உள்ளிட்ட 4  பேரையும் போலீசார் தேடி வருகின்றனர். இதேபோல், சேலம் உடையாப்பட்டி பை-பாஸ் சாலையோரம் லாரியை நிறுத்தி வேனில் புகையிலை பொருட்களை ஏற்றிக் கொண்டிருந்த 4 பேர் கும்பல் போலீசை பார்த்ததும் தப்பியது.

அதில் லாரி டிரைவர் ஒருவரை பிடிக்க முயன்றபோது அவர் சட்டையை கிழித்துக் கொண்டு தப்பி ஓடிவிட்டார். லாரி, வேனை சோதனையிட்டபோது, உள்ளே மாட்டுத்தீவன பண்டலுக்கிடையே 2,397 கிலோ போதை புகையிலை பொருட்கள் இருந்தன. இதன் மதிப்பு ரூ.33 லட்சமாகும். புகையிலை பொருட்களை கடத்தி வந்து தப்பியோடிய 4 பேர் கும்பலை போலீசார் தீவிரமாக தேடி வருகின்றனர். அதிகாலை வேளையில் 3 லாரிகளில் ரூ.1.35 கோடி மதிப்புள்ள போதை புகையிலை பொருட்கள் சிக்கிய இச்சம்பவம் சேலத்தில் பெரும் பரபரப்பை ஏற்படுத்தியுள்ளது.

மேலும் செய்திகள்

Like Us on Facebook Dinkaran Daily News
  • iceberg-boat-23

    இது படகா...இல்ல பனிப்பாறையா...?: பிரான்ஸ் ஓவியரின் கில்லாடி ஐடியா..!!

  • thailand-taxi-23

    தாய்லாந்தில் காய்கறித் தோட்டங்களாக மாறிய டாக்சிகள்!: அட்டகாச புகைப்படங்கள்

  • haiti-refugees-21

    ஹைத்தியில் பாதுகாப்பில்லை, வேலையில்லை!: அமெரிக்காவில் தஞ்சமடைய எல்லையில் குவிந்த அகதிகள்..!!

  • drone-21

    புதுசு புதுசா கண்டுபிடிக்குறாங்கப்பா!: கம்போடியாவில் ஆள் ஏற்றி செல்லும் ட்ரோனை உருவாக்கி மாணவர்கள் அசத்தல்..!!

  • saudi-camel-16

    சவுதி அரேபியாவில் கண்டுபிடிக்கப்பட்ட பிரம்மாண்டமான ஒட்டக சிற்பம்!: 7,000 ஆண்டுகளுக்கு முந்தையது என விஞ்ஞானிகள் தகவல்..!!

படங்கள் வீடியோ கல்வி சினிமா ஜோ‌திட‌ம்